“ტვ პირველის” ოპერატორი, ლექსო ლაშქარავა გარდაიცვალა. გარდაცვლილი საკუთარ სახლში იპოვეს. გარდაცვალების ზუსტი მიზეზი ჯერჯერობით უცნობია.
ლექსო ლაშქარავას 5 ივლისს “თბილისი პრაიდის” მოწინააღმდეგეები ფიზიკურად გაუსწორდნენ.
“გურიის მოამბე” სამძიმარს უცხადებს გარდაცვლილის ოჯახის წევრებსა და “ტვ პირველის” თანამშრომლებს.
ტელეკომპანია “ტვ1”-ის ოპერატორის, ალექსანდრე ლაშქარავას გარდაცვალების ფაქტზე ვაკე-საბურთალოს პოლიციის სამმართველოში, გამოძიება საქართველოს სისხლის სამართლის კოდექსის 115 მუხლით დაიწყო. ამის შესახებ ინფორმაციას შსს ავრცელებს.
დაინიშნება შესაბამისი სასამართლო-სამედიცინო ექსპეტიზა.
“აქვე აღვნიშნავთ, რომ მიმდინარე წლის 5 ივლისს, თბილისი პრაიდის წინააღმდეგ გამართული აქციის გაშუქების დროს, ინგოროყვას ქუჩაზე მდებარე ორგანიზაცია „სირცხვილიას“ ოფისში, ტელეკომპანია „ტვ 1“-ის ჟურნალისტსა და ოპერატორს, ალექსანდრე ლაშქარავას სამსახურებრივი მოვალეობის შესრულებისას ფიზიკური და სიტყვიერი შეურაცხყოფა მიაყენეს.
ჟურნალისტის პროფესიულ საქმიანობაში ძალადობის მუქარით უკანონოდ ხელის შეშლის, ძალადობითა და ძალადობის მუქარით დევნის, ჯგუფური ძალადობის ფაქტებზე გამოძიება მიმდინარეობს და დაკავებულია 4 პირი”, – ნათქვამია განცხადებაში, რომელსაც უწყება ავრცელებს.
ოჯახის ახლობლის განცხადებით, „ტვ პირველის“ ოპერატორი ლექსო ლაშქარავა სავარაუდოდ, თრომბოემბოლიით გარდაიცვალა.
„ჩვენ უბრალოდ არ გვინდოდა, რომ ექსპერტიზაზე გადაესვენებინათ დედის წინააღმდეგობის გამო. დედას არ უნდოდა. ჩვენი ვარაუდია, რომ თრომბოემბოლიით არის გარდაცვლილი იმიტომ, რომ ჩვენ ვნახეთ როგორ გარდაიცვალა. დაწვა, დაიძინა და ვეღარ გაიღვიძა – აქ, სხვა მიზეზი შეუძლებელია“, – განაცხადა ახლობელმა.
როგორც „ტვ პირველის” დამფუძნებლმა ვატო წერეთელმა ჟურნალისტებს განუცხადა, ლექსო ლაშქარავას 5 ივლისს მომხდარის შედეგად დაზიანებები ჰქონდა და ძლიერი ტკივილები აღენიშნებოდა.
“ვუსამძიმრებ ლექსოს ოჯახს, “ტვ პირველს”, ყველამ ვნახეთ ის კადრები, რაც მოხდა რამდენიმე დღის წინ, როგორი ნაცემი იყო და მერე ოპერაციაც გაუკეთეს, მძიმედ იყო, საშინელი ტკივილები ჰქონდა. დილით დედამ იპოვა გარდაცვლილი სახლში,თუმცა ყველას გვინდა, რომ ჭეშმარიტება დადგინდეს”, – განაცხადა წერეთელმა.
ის მედიის მიმართ განხორციელებულ ძალადობაზე პასუხისმგებლობას ხელისუფლებას აკისრებს.
“დედამისიც და დეიდებიც ექიმები არიან, თავად ამბობდნენ, რომ სავარაუდოდ, თრომბოემბოლია შეიძლება განვითარებულიყო იმიტომ, რომ ძვალი სულ დამტვრეული ჰქონდა, სულ ნაოპერაციები იყო. ალბათ, ამ ყველაფერს ექსპერტიზა დაადგენს. საავადმყოფოდან რომ გამოწერეს, დოკუმენტაციაში რა ეწერა არ ვიცი, მაგრამ მძიმედ იყო და ძლიერი ტკივილები ჰქონდა. ამ ქვეყანაში ვის სჯიან და ვის არა, არ ვიცი. უბრალოდ, დაუსჯელობის სინდრომია ქვეყანაში. ჟურნალისტების ჟლეტვა თითოეული მედიის, ეს ყველამ ვნახეთ. პასუხისმგებლობა პირადად ირაკლი ღარიბაშვილს და “ქართულ ოცნებას” ეკისრება”,- განაცხადა წერეთელმა.
ოპერატორი ლექსო ლაშქარავა საკუთარ სახლში გარდაცვლილი იპოვეს. ლექსო ლაშქარავას გარდაცვალების ფაქტზე გამოძიება საქართველოს სისხლის სამართლის კოდექსის 115 მუხლით დაიწყო.
შსს-ს ინფორმაციით, მიმდინარე წლის 5 ივლისს, თბილისი პრაიდის წინააღმდეგ გამართული აქციის გაშუქების დროს, ინგოროყვას ქუჩაზე მდებარე ორგანიზაცია „სირცხვილიას“ ოფისში, ტელეკომპანია „ტვ 1“-ის ჟურნალისტსა და ოპერატორს, ალექსანდრე ლაშქარავას სამსახურებრივი მოვალეობის შესრულებისას ფიზიკური და სიტყვიერი შეურაცხყოფა მიაყენეს. ჟურნალისტის პროფესიულ საქმიანობაში ძალადობის მუქარით უკანონოდ ხელის შეშლის, ძალადობითა და ძალადობის მუქარით დევნის, ჯგუფური ძალადობის ფაქტებზე გამოძიება მიმდინარეობს და დაკავებულია 4 პირი.
დაუსჯელობის სინდრომია ქვეყანაში – პასუხისმგებლობა პირადად ირაკლი ღარიბაშვილს და “ქართულ ოცნებას” ეკისრება, – ამის შესახებ ტელეკომპანია “პირველის” დამფუძნებელმა ვატო წერეთელმა „ტვ პირველის“ ოპერატორის ლექსო ლაშქარავას გარდაცვალების ფაქტთან დაკავშირებით განაცხადა.
მისი თქმით, ყველას სურვილია, რომ ჭეშმარიტება დადგინდეს.
“ვუსამძიმრებ ლექსოს ოჯახს, “ტვ პირველს”, ყველამ ვნახეთ ის კადრები, რაც მოხდა რამდენიმე დღის წინ, როგორი ნაცემი იყო და მერე ოპერაციაც გაუკეთეს, მძიმედ იყო, საშინელი ტკივილები ჰქონდა. დილით დედამ იპოვა გარდაცვლილი სახლში,თუმცა ყველას გვინდა, რომ ჭეშმარიტება დადგინდეს.
დედამისიც და დეიდებიც ექიმები არიან, თავად ამბობდნენ, რომ სავარაუდოდ, თრომბოემბოლია შეიძლება განვითარებულიყო იმიტომ, რომ ძვალი სულ დამტვრეული ჰქონდა, სულ ნაოპერაციები იყო. ალბათ, ამ ყველაფერს ექსპერრტიზა დაადგენს. საავადმყოფოდან რომ გამოწერეს, დოკუმენტაციაში რა ეწერა არ ვიცი, მაგრამ მძიმედ იყო და ძლიერი ტკივილები ჰქონდა. ამ ქვეყანაში ვის სჯიან და ვის არა, არ ვიცი. უბრალოდ, დაუსჯელობის სინდრომია ქვეყანაში. ჟურნალისტების ჟლეტვა თითოეული მედიის, ეს ყველამ ვნახეთ. პასუხისმგებლობა პირადად ირაკლი ღარიბაშვილს და “ქართულ ოცნებას” ეკისრება”,- განაცხადა წერეთელმა.
მსგავსი სტატიები:
“კობახიძემ ყველა ჩამოიშორა და იმყარებს ძალაუფლებას”
ლანჩხუთის გურიას ახალი მწვრთნელი ჰყავს
გომელაური ესებუაზე: “შეიძლება 10 წელი გავიდეს და მერე დააკავონ, არა მე, არამედ შეიძლება ჩემ შემდეგ მეორე ან მეოთხე მინისტრმა”
“ბატონმა ბიძინამ იმდენი სიკეთე გააკეთა ქვეყნისთვის…უდიდესი ავტორიტეტი აქვს”
“წითელი ჯვარი“ საქართველოს 100 000 დოზა „სინოფარმს“ გადმოსცემს
“იმედგაცრუებულნი ვართ იმის გამო, რაც საქართველოში ხდება”
ხობში შშმ პირი გააუპატიურეს
სანაია: წულუკიანმა თქვა, გაგანადგურებთო – ვნახოთ როგორ გაგვანადგურებენ