“ამდენი სიცოცხლე იმსხვერპლმა ამ ვამპირმა…”

“ამდენი სიცოცხლე იმსხვერპლმა ამ ვამპირმა… ქათმის გრიპი რომ გვქონდა, ჯანდაცვის მინისტრს ვუთხარი, თავს მოგაძრობ, თუ ამერიკაზე უფრო კარგად არ იქნება ტამიფლუ შემოტანილი” – სააკაშვილი

საქართველოს მესამე პრეზიდენტი, მიხეილ სააკაშვილი, “მთავართან” ამბობს:

“ვინმეს ეპარება ეჭვი, რომ საქართველო ჩემი ხელისუფლების პირობებში იქნებოდა ერთ-ერთი პირველი სადაც ყველა აიცრებოდა? ერთ-ერთი პირველი, სადაც ვირუსის დაბალი დონე იქნებოდა? ქათმის გრიპი რომ გვქონდა, ჯანდაცვის მინისტრს ვუთხარი, თავს მოგაძრობ, თუ საქართველო არ იქნება პირველი ქვეყანა, სადაც ამერიკაზე უფრო კარგად იქნება ტამიფლუ შემოტანილი და ეს განხორციელდა. ეს ყველას ახსოვს.

ივანიშვილმა დაკეტა მაშინ, როცა არ უნდა დაეკეტა და ახლა როცა უნდა მართლა დაკეტოს, ვეღარ კეტავს, რადგან ეკონომიკა მთლიანად ჩამოიშლება. თან, მოდი სიმართლე ვთქვათ, ეშინია ჩემი ჩამოსვლის და აპირებს, რომ სექტემბერში ჩაკეტოს კოვიდსაფარქვეშ. ხალხი კვდება იმისათვის, რომ როგორც შარშან არჩევნებზე შემოიყვანეს წინასწარ რუსები ბათუმში და გაავრცელეს კოვიდი, რომ არჩევნების შემდეგ, რომლის მოპარვასაც აპირებდნენ, ქუჩაში აღარ გამოსულიყო ხალხი და მართლაც ეს დაეხმარა ამაში, ზუსტად იგივეს აკეთებს ახლაც.

ეჭვი გეპარებათ რომ ივანიშვილი და მთელი მისი ნათესაობა აცრილია?

ბევრს დაავიწყდა, მაგრამ მე ჩემ ოჯახს უფრო უკან ვაყენებდი, ვიდრე თანამოქალაქეებს. ფეოდალი, გიყურებთ როგორც დასახარჯ მასალას. ამდენი სიცოცხლე იმსხვერპლმა, ამ ვამპირმა.

ერთადერთი გზაა მობილიზება, არ დაველოდოთ პოლიტიკოსებს, ერთადერთი გზაა საკუთარი თავის დაცვა და ამათი მოშორება.

ეს არის განზრახული, შეგნებული მკვლელობა და არა უნიათობა.

ქედს ვიხრი ქართელი ექიმების წინაშე, მაგრამ სამთავრობო ექიმები ტელევიზორებში არიან გამოკერებულნი და ტყუილს ტყუილზე ლაპარაკობენ. საქართველოს მე დავუტოვე 150 საავადმყოფო და ბევრად უკეთესი ბაზა აქვს ვდრე უკრაინას და მოახერხეს, რომ უკრაინას უკეთესი ციფრები აქვს.

რატომ არ იცრება ხალხი? არ სჯერათ თქვენი. და რატომ უნდა დაგიჯეროთ, უკვე იმდენჯერ მოატყუეთ? რატომ უნდა დაუჯეროს ხალხმა ვინმე იმნაძეს და ცერცვაძეს? ტყუილს ტყუილზე ლაპარაკობენ.

ლევან რატიანი ტელევიზორიდან არ გამოდის, უკაცრავად, ყველაზე ცუდი მონაცემები აქვს რეანიმაციის პოსტსაბჭოთა სივრცეზე. მე ყოველთვის პატივისცემით ვიყავი ლევანის მიმართ, მაგრამ ლევან, ცოტა ნაკლები რომ ილაპარაკო ტელევიზორში და ცოტა მეტად გადაარჩინო ხალხი, ბევრად უკეთესი იქნებოდა. ყველაფერს აქვს საზღვარი. ეს ქვეყანა არ არის თქვენი საგულაო და არ არის გასანადგურებელი, რომ ყელყელაობდეთ „ოცნების“ ღონისძიებებზე.”

გააზიარეთ და მოიწონეთ სტატია:

მსგავსი სტატიები:

საქართველოში კორონავირუსით 14 პაციენტი გარდაიცვალა “ეს მისი გამოსვლების მხოლოდ პროლოგია…”- მამა პეტრე დეკანოზ ილია ჭიღლაძეზე 7 სოფელს მესამე დღეა შუქი არ მიეწოდება- რა მდგომარეობაა ამ დროისთვის ოზურგეთში? Forbes-ის მილიარდერების რეიტინგში კიდევ ერთი ქართველი მოხვდა – ვინ არის სიის ახალი წევრი „ჭკვიან ადამიანთან დაისვენე! დაისვენე მასთან ერთად გევედრები!“ სალხინოს ღვთისმშობლის შობის ტაძრის ეზოში სიტყვიერი და ფიზიკური დაპირისპირება იყო ნახტომისებური ზრდა: ამდენი ადამიანი კორონავირუსით დიდი ხანია არ დაინფიცირებულა (დღევანდელი მონაცემები) კორონავირუსით ინფიცირების მაჩვენებელი შემცირდა, გამოჯამრთელებულთა რიცხვი გაიზარდა