თბილისის საქალაქო სასამართლომ სრულად გაიზიარა ბრალდების მხარის მიერ წარდგენილი მტკიცებულებები და ძმის განზრახ მკვლელობის მცდელობის ფაქტზე ბრალდებული ჯ.ქ. დამნაშავედ ცნო – ინფორმაციას გენპროკურატურა ავრცელებს.
საგამოძიებო უწყების ცნობით, ბრალდების მხარის მიერ სასამართლო პროცესზე წარდგენილი მტკიცებულებებით დადასტურდა, რომ 30 ივნისს, ჯ.ქ.-მ, ოჯახური კონფლიქტის დროს წარმოშობილი შელაპარაკების ნიადაგზე, შურისძიების მოტივით, განზრახ მოკვლის მიზნით, ძმას ჯ.ქ.-ს, დანით მრავლობითი ჭრილობები მიაყენა. დროულად აღმოჩენილი სამედიცინო დახმარების შედეგად დაზარალებულის გადარჩენა მოხერხდა.
ჯ.ქ. დანაშაულის ჩადენიდან რამდენიმე საათში დააკავეს. მას ბრალად წარუდგინეს 11 პრიმა, 19, 109-ე მუხლის მე-2 ნაწილის „ვ“ ქვეპუნქტით (ოჯახის ერთი წევრის მიერ ოჯახის სხვა წევრის მიმართ განზრახ მკვლელობის მცდელობა დამამძიმებელ გარემოებებში) და აღკვეთის ღონისძიების სახით პატიმრობა შეეფარდა.
თბილისის საქალაქო სასამართლომ ჯ.ქ. დამნაშავედ ცნო წარდგენილ ბრალდებაში და სასჯელის სახედ და ზომად 13 წლის თავისუფლების აღკვეთა განუსაზღვრა.
ინფო რუსთავი
მსგავსი სტატიები:
კახეთში 11 წლის ბავშვი სავარაუდოდ გააუპატიურეს – 34 წლის მამაკაცი პოლიციამ უკვე დააკავა
ოზურგეთში 11 წლის გერთან სექსუალური ხასიათის დანაშაულისთვის მამინაცვალი დააკავეს
გუშინ კომენდანტის საათის დროს ოზურგეთში სამი სწრაფი ჩარიცხვის აპარატი გაძარცვეს (ექსკლუზივი)
ოზურგეთში, საჩუქრების მაღაზიის გაქურდვის ფაქტზე, გამოძიება დაიწყო
ლესბოსელ წყვილზე მორიგი თავდასხმა სასტიკი ანგარიშსწორებით დასრულდა
booking.moh.gov.ge-ზე მასირებული კიბერშეტევა მიმდინარეობს
საქონლის ხორცის ნაცვლად ბაზრობაზე მკვდარი ცხენისა და ვირის ხორცს ყიდიდნენ
ჩოხატაურში 64 წლის პედაგოგს მოსწავლე სექსუალურ ძალადობაში ადანაშაულებს