“ნაციონალური მოძრაობის” ერთერთი ლიდერისა და გლდანის მაჟორიტარობის კანდიდატის, ნიკა მელიას, ოფისის დაწვეს.
როგორც შტაბის ხელმძღვანელი ამბობს, რომ დამნაშავეები “მთლიანად აპირებდნენ შენობის დაწვას, მაგრამ ვერ მოასწრეს ადგილზე პოლიციის დროულად მობილიზების გამო”.
“მთავარი არხის” ინფორმაციით, შემთხვევა გამთენიისას მოხდა. ჩამსხვრეულია ოფისის ფანჯარა და დამწვარია ავეჯი. დამნაშავეებიის ვინაობა ამ დროისთვის უცნობია და ადგილზე ექსპერტ-კრიმინალისტები მუშაობენ.
“დილის 6-ის წუთებზე შევიტყვეთ, რომ ოფისში ხანძარია. დაგვხვდა ჩამსხვრეული შუშები და შენობაში შეგდებული ბენზინის 2 ბოთლი. იმედი მაქვს, გამოიძიებენ ამ საზიზღრობას”, – ამბობს შტაბის ხელმძღვანელი.
შემთხვევის დროს, შტაბში არავინ იმყოფებოდა, თუმცა, როგორც მელიას მხარდამჭერები გვიყვებიან, დარბევის მცდელობა წინა დღეებშიც ჰქონდათ, პოლიციაც საქმის კურსში ჩააყენეს, თუმცა, რეაგირება არ მოუხდენიათ:
_ ბოლო ერთი კვირის მანძილზე ბევრი თავდასხმა მოვიგერიეთ. ორი დღის წინ, შტაბთან ე.წ. ძელი ბიჭები და “მეტადონშიკები” მოგვივარდნენ. მოგვაყენეს სიტყვიერი და ფიზიკური შეურაცყოფა. სცემეს გოგოებს, ახალგაზრდებს. არც მუქარას მორიდებიან. ჩავაყენეთ პოლიცია საქმის კურში, გავაფრთხილეთ მოსალოდნელი თავდასხმის შესახებ, თუმცა, ფორმალურადაც კი არ დაუწყიათ გამოძიება. ჩვენს ოფისს საღებავები შეასხეს, პირადად დავრეკე 112-ში, 3 საათის შემდეგ მოვიდა პოლიცია, უბრალოდ დაათვალიერეს, ირგვლივ მდებარე კამერებიც კი არ ნახეს და წავიდნენ. გამოძების ნაცვლად, მუქარები მივიღეთ. მე და ჩემს მეგობრებს გვირეკავდნენ, გვემუქრებოდნენ, გვირჩევნდნენ რომ დაგვეტოვებინა ოფისი, თორემ უარესი გველოდა და შეასრულეს კიდეც, _ აღნიშნა ჩვენთან საუბრისას ნიკა მელიას საარჩევნო შთაბის წევრმა ვლადიმერ ჟღენტმა, რომელსაც ამ ფაქტის გამოძიების იმედი ამჯერადაც არ აქვს.
ადგილზე ამ დროისთვის ვიდეოკამერების ჩანაწერებს ათვალიერებენ.
მსგავსი სტატიები:
ტრამპმაც და ბაიდენმაც ხმების დათვლაში იურიდიული გუნდები ჩართეს
“ჩვენ მოვუწოდებთ ყველა მხარეს ჩაერთონ კონსტრუქციულ დიალოგში მელიას საქმის მშვიდობიანად გადასაწყვეტად”
რუსთავის ციხესთან ნიკა მელიას მხარდამჭერები იკრიბებიან
“გუშინდელმა დღემ საბოლოოდ დამარწმუნა, რომ არჩევნებსაც მოვიგებთ და მეც თავისუფალი ვიქნები”- მიხეილ სააკაშვილი
თუ რუსეთისკენ მიგვყავს ქვეყანა და დასავლეთს დავაშორეთ, რატომ გვირიგდებიან?-თალაკვაძე
მარიუპოლში “აზოვსტალის” ქარხანას დღეს ავიღებთ” – კადიროვი
“ვიზუალურად ერთი შეხედვითვე ჩანს, რომ მდგომარეობა ძალიან მძიმეა” | მიხეილ სააკაშვილი ადვოკატებმა მოინახულეს
“როგორ არ უნდა გქონდეს იმედი ქალბატონი სალომე ზურაბიშვილის მხრიდან….მიხეილ სააკაშვილისთვის სიცოცხლის შენარჩუნების…”-მელია
