“თუ ხალხი დაუშვებს იმას, რომ ქართული სახელმწიფოს დამფუძნებელი გაუშვან ციხეში, მაშინ ყველაფრის ღირსი ვყოფილვართ”

მიხეილ სააკაშვილის თქმით, მისთვის გაუგებარია რისთვის ემუქრება საკანი საქართველოში:

„ხომ არ ბნელა მართლა! რისთვის მემუქრება საკანი? იმისთვის, რომ არაფერი ჩამიდენია? იმისთვის, რომ ქართული სახელმწიფო ავაშენე? იმისთვის, რომ ერთი კაპიკი არ წამიღია საქართველოდან? იმისთვის, რომ თორმეტჯერ გავზარდე ბიუჯეტი? იმისთვის, რომ სიღარიბე სამჯერ შევამცირე? იმისთვის, რომ ოთხჯერ გავზარდე საქართველოს ეკონომიკა? იმისთვის, რომ საქართველო ყველაზე არაკორუმპირებულ ქვეყნად ვაქციე? რისთვის მემუქრება საკანი, ამ კითხვას რატომ არ სვამთ?“ – განაცხადა მიხეილ სააკაშვილმა.

მისივე განმარტებით, გადაწყვეტილება ქართველმა ხალხმა უნდა მიიღოს.

„თუ ქართველი ხალხი დაუშვებს იმას, რომ ივანიშვილმა, ამ ტლუმ, „ბეზპრედელშიკმა“ გაიტანა ის, რომ ქართული სახელმწიფოს დამფუძნებელი გაუშვა ციხეში, მაშინ ყველაფრის ღირსი ვყოფილვართ. ქართველმა ხალხმა მიიღოს ეს გადაწყვეტილება. მე, არაფრის მეშინია. მე ვკარგავ ჩემ ქვეყანას. ჩვენ ვკარგავთ ჩვენ ქვეყანას და მე მივდივარ ბოლომდე. თუ ქართველი ხალხი მზად არის, მისცეს მას საშუალება, რომ სააკაშვილი გაუშვას ციხეში, კი ბატონო, ქართველმა ხალხმა მიიღოს ეს გადაწყვეტილება, მაგრამ მთავარი კითხვა აქ არის – ერთი კაპიკი არ წამიღია საქართველოდან. ნამდვილად, ყველა ის ბრალდება, რომელიც მე წამიყენეს, თავიდან ბოლომდე ყალბია და ეს ყველამ იცის, მათ შორის, ეს ყველაფერი იციან მათ.

კი ბატონო, არ შერცხვება ყველა იმას, მათ შვილთაშვილებს, ადამიანზე, რომელზეც ჩემს თავზე ლაპარაკი ძნელია, მაგრამ ამერიკის კონგრესში უწოდებენ ჩვენი რეგიონის ჯორჯ ვაშინგტონს, რომ ჩვენ ვიყავით თაობა, რომელმაც ეს ჯორჯ ვაშინგტონი, იმის მაგივრად, რომ მისთვის სადღაც ძეგლი დაედგათ – ჩემს თავზე ძეგლს არ ვითხოვ, მაგრამ მე ვამბობ ფიგურალურად, აიღეს და ჩვეულებრივად ჩაკეტეს დილეგში? კი ბატონო, რა პრობლემაა“, – განაცხადა მიხეილ სააკაშვილმა.

გააზიარეთ და მოიწონეთ სტატია:

მსგავსი სტატიები:

“ვიცი, რომ ქვაში ამეტყველებულ სიყვარულად დავრჩები კედლებზე” ბადრი ჯაფარიძე: “თუ ვთანხმდებით, ვთანხმდებით ყველა საკითხზე” საქართველოში საშუალო ხელფასმა 2020 წლის IV კვარტალში 1 314 ლარი შეადგინა როგორ ცხოვრობენ ბავშვები საქართველოში. ბევრი ციფრი და ფაქტი ღია კაფეების მფლობელები წლის ბოლომდე მუნიციპალიტეტისთვის გადასახდელი იჯარისგან გათავისუფლდებიან 2021 წლის ზაფხული განსაკუთრებით ცხელი იქნება – მეტეოროლოგები ივლისში საარსებო მინიმუმი 3.8 ლარით გაიზარდა და 218.3 ლარი გახდა დღეიდან ღია სივრცეშიც პირბადის გამოყენება სავალდებულო ხდება