საქართველოს პირველი სახალხო დამცველი დავით სალარიძე მოქმედ სახალხო დამცველს ნინო ლომჯარიას მოუწოდებს, დაარწმუნოს ხელისუფლება არ გამოიყენოს მიხეილ სააკაშვილის მიმართ საპატიმრო ღონისძიება.
დავით სალარიძის თქმით, ის დღეს სახალხო დამცველი რომ იყოს, აუცილებლად გაითვალისწინებდა იმ რთულ და დაძაბულ ვითარებას, რომელიც ამჟამად საქართველოშია შექმნილი და რომელიც შეიძლება მნიშვნელოვნად გაამძაფროს მიხეილ სააკაშვილის საქართველოში ჩამოსვლამ.
„ვფიქრობ სახალხო დამცველმა, როგორც ყველაზე ნეიტრალურმა და პოლიტიკურად არაანგაჟირებულმა ორგანომ, მისთვის კანონით მინიჭებული უფლების ფარგლებში, საჭიროა დაარწმუნოს ხელისუფლება, რომ ვითარების სახიფათო ესკალაციისა და აქედან გამომდინარე, შესაძლო მძიმე შედეგების თავიდან აცილების მიზნით სააკაშვილის მიმართ საპატიმრო ღონისძიებების გამოყენებას თავი აარიდოს“, – განაცხადა დავით სალარიძემ.
მისივე განმარტებით, ამისთვის სხვადასხვა სამართლებრივი საფუძვლები კანონმდებლობაში მოიძებნება. სალარიძე თვლის, რომ ამგვარი მიდგომით ქვეყნის მესამე პრეზიდენტს მიხეილ სააკაშვილს მიეცემა საშუალება დაბრუნდეს საქართველოში და დაამტკიცოს მის მიმართ შერაცხული ბრალის უსაფუძვლობა, თუკი ასეთი არსებობს.
„ქვეყანას უნდა მიეცეს შესაძლებლობა მშვიდ ვითარებაში წარმართოს როგორც წინასაარჩევნო, ასევე პოსტსაარჩევნო პერიოდი“ – დასძენს საქართველოს პირველი სახალხო დამცველი დავით სალარიძე.
მსგავსი სტატიები:
მაიკ პომპეოს ოფიციალური ვიზიტი დაიწყო – ამ წუთებში ის პრეზიდენტს ხვდება
“ამდენი წლის მერეც საჭირო ყოფილა სიმართლის შეხსენება ზოგი წესიერი ადამიანისთვის”
რატომ ვერ მიიღო საქართველომ ამ დრომდე „ფაიზერის“ ვაქცინა- „კოვაქს პლატფორმის“ განმარტება
“”გუშინდელი ჰალსტუხიანი შეხვედრის” შემდეგ ოპოზიცია პარლამენტთან “რუსეთების ძახილით” მივიდა”
“საინტერესოა, ბატონი სააკაშვილი პოლიტსაბჭოა თუ საზოგადოება, რომ მასთან მიდიან დირექტივების მისაღებად”-ალუდა ღუდუშაური
აჭარის განათლების მინისტრის მოადგილე გადადგა
პანდემიასთან გასამკლავებლად ყოველდღიურად 20-25 ათასი ადამიანის აცრაა აუცილებელი
სუს-ი დიპლომატიური კორპუსის წარმომადგენლებსაც უსმენდა