ევროკავშირის საგარეო ურთიერთობების პრესსპიკერი პიტერ სტანო საქართველოს მ ესამე პრეზიდენტის, მიხეილ სააკაშვილის შიმშილობაზე საუბრობს და აცხადებს, რომ ბრძოლის ფორმას ყველა ადამიანი თავად წყვეტს, თუმცა მის ჯანმრთელობაზე პასუხისმგებლობა ხელისუფლებას ეკისრება.ის ამბობს,რომ მნიშვნელოვანია, დეესკალაცია მოხდეს და ამაში ხელისუფლებამ და ოპოზიციამ წვლილი ერთად უნდა შეიტანონ.
“რა თქმა უნდა, ასევე, მნიშვნელოვანია სასამართლო პროცესი წარიმართოს დამოუკიდებელ და სამართლიან გარემოში, რადგან ჩვენი ფასეულობების ნაწილია, რომ სასამართლო იყოს დამოუკიდებელი და გარედან არ ხდებოდეს მის საქმიანობაში ჩარევა.
რაც შეეხება შიმშილობას, ყველა ადამიანი თავად წყვეტს, ბრძოლის რა ფორმა აირჩის, თუმცა მის ჯანმრთელობაზე პასუხისმგებლობა ხელისუფლებას ეკისრება”, – მთავარი არხის თარგმანის მიხედვით თქვა პიტერ სტანომ.
მან საქართველოში 2 ოქტომბერს გამართულ ადგილობრივი თვითმმართველობის არჩევნებზეც გააკეთა კომენტარი.
“არჩევნების პირველი ტური, როგორც ეუთო-ოდირის დასკვნაში ნათქვამია, ზოგადად, კარგად იყო ადმინისტრირებული, მაგრამ იყო პრობლემები, რომლებიც იმედი გვაქვს, მეორე ტურში გამოსწორდება, რადგან ხალხს ჰქონდეს საშუალება ხმა მისცეს თავისუფალ და სამართლიან გარემოში და არ იყოს დაშინებები და მოსყიდვები, რაც პირველ რაუნდში იქნა შემჩნეული.
საქართველოში პოლიტიკური სპქეტრის პოლარიზაცია ძალიან ცუდ როლს ასრულებს. ეს ყველაფერი გუშინ არ დაწყებულა, რადგან ამ სიტუაციას გარკვეული დროა, რაც ვუყურებთ. ეს უნდა შეწყდეს, რადგან პოლარიზაცია საზოგადოებას ყოფს და წამლავს პოლიტიკურ დებატებს”, – აცხადებს ევროკავშირის პრესსპიკერი.
მსგავსი სტატიები:
“ყვავილები უყვარდა დედას, ჩვენს აივანზე სულ ჰყვაოდა თეთრი ვარდები”-გიორგი გაბუნია
200 ათასი დროშა ამერიკელის ნაცვლად – პრეზიდენტის ინაუგურაციას აშშ-ის მოქალაქეები ვერ ესწრებიან
“ესენი დაიბადნენ იმისთვის, რომ ჭამონ”
“მოსალოცი ამბავია, მაგრამ ცხადია განადგურებული ადამიანებისთვის ვერაფერს შეცვლის”
“სანამ ხელისუფლებაში ისეთი ხალხი არ მოვა, ვინც არ მოიპარავს, არაფერი გვეშველება”
“ხალხო, ვერ ხედავთ რა გემართებათ” ?
საქართველო IMF-ისგან დამატებით $111 მილიონს მიიღებს
ვიყავი ძლიერი, იმიტომ, რომ ჩემ უკან იდგა სიმართლე — ჟვანია