დაკავებისას პოლიციელები მოწიწებით მეპყრობოდნენ, მოახლოებასაც ვერ ბედავდნენ, მერე „სელფის“ გადაღება დაიწყეს – ჰაერზე არ გავდივარ, რადგან არ მინდა გისოსებიდან ცის ყურება-სააკაშვილი

ჩხრეკვას ვერ ვიხსენებ. მე თვითონ ამოვალაგე ჯიბიდან ნივთები – პოლიციელები ძალიან მოწიწებით მეპყრობოდნენ, მოახლოებასაც ვერ ბედავდნენ, მერე ეგრევე „სელფის“ გადაღება დაიწყეს, – ამის შესახებ საქართველოს მესამე პრეზიდენტმა, მსჯავრდებულმა მიხეილ სააკაშვილმა „ტვ პირველთან“ წერილობით ინტერვიუში აღნიშნა.

სააკაშვილმა დაკავების მომენტი გაიხსენა და აღნიშნა, რომ სამშობლოში ყოველი წამი ბედნიერებაა და განსაცდელსაც თავისუფალი უნდა შეხვდეს.

„ჩხრეკვას ვერ ვიხსენებ. მე თვითონ ამოვალაგე ჯიბიდან ნივთები. ჩანთაში მქონდა 2-3 მაისური და „სვიტერი“. პოლიციელები ძალიან მოწიწებით მეპყრობოდნენ და რაღაც ხანი მოახლოებასაც ვერ ბედავდნენ, მერე ეგრევე „სელფის“ გადაღება დაიწყეს, გზაშიც „სელფებს“ იღებდნენ. ვიღიმი იმიტომ რომ ყოველი წამი სამშობლოში ბედნიერებაა და განსაცდელსაც თავისუფალი უნდა შევხვდე. ვიდეობის გასაჯაროების შემდეგ, როგორც მოსალოდნელი იყო პოლიციამ კამერებით გვიპოვა. ივანიშვილს აქამდე არ წაუგია არსად და არაფერი. თუ ოპოზიციამ დაამსხვრია მისი ყოვლისშემძლეობის მითი, ეს გამოიწვევს ჯაჭვურ რეაქციას. ხელისუფლების ცვლილების შემდეგ სასამართლოში რევოლუციური ცვლილებები, ჩვენი მთავარი პრიორიტეტი უნდა გახდეს“,- აღნიშნავს სააკაშვილი.

ამასთან, ყოფილი პრეზიდენტი განმარტავს, რომ მას თაფლი ციხეში შესთავაზეს, როგორც შიმშილობის პროტოკოლის ნაწილი.

„ჰაერზე არ გავდივარ, რადგან არ მინდა გისოსებიდან ცის ყურება. ციხის ექიმები დიდი მზრუნველობით მეპრყობიან. ვუყურებ თავისუფალ ქართულ არხებს. თაფლი თვითონ შემომთავაზეს როგორც შიმშილობის პროტოკოლის ნაწილი. თითო კოვზი ჩაიში, მაგრამ საღამოს, როდესაც ტელევიზიით მოვისმინე ოქმით დავაბრუნე“,-აღნიშნავს სააკაშვილი.

მან მისი გათავისუფლების მოთხოვნით, 14 ოქტომბერს თავისუფლების მოედანზე მიმდინარე აქციაზეც ისაუბრა და აღნიშნა, რომ მან „ახალი საქართველოს ამაყი, ნათელი და შეუპოვარი სახე“ დაინახა.

გააზიარეთ და მოიწონეთ სტატია:

მსგავსი სტატიები:

“მთავრობას ყოველთვის უპრეცედენტო მხარდაჭერა ჰქონდა გამოხატული ანაკლიის პროექტის მიმართ” “რატომ ექცევიან ოპოზიციონერები სააკაშვილის გავლენის ქვეშ”-სუბარი “ბოდიში ბერა” – გიორგი თარგამაძის OP-ED “არადა “შენ ხარ ვენახი” მე-10 საუკუნეში დავწერეთ” ღარიბაშვილი: ასოცირების საბჭოს სხდომაზე წარმოვაჩენთ ქვეყნის პროგრესსა და წინსვლას ევროკავშირის ელჩს იმედი აქვს, რომ “ნაციონალური მოძრაობა” პარლამენტში შევა “ოცნების” დეპუტატი კაჭარავა: “არ ვიცი დუგინი თუა კრემლის მთავარი იდეოლოგი, ვასაძეს პატივს ვცემ” “სანამ იდიოტებს ვუმალავდით, რომ იდიოტები იყვნენ… ახლა რომც ვუთხრათ, აღარ დაგვიჯერებენ” – მიშა მშვილდაძე