ქართული ოცნების აღმასრულებელი მდივანი, ირაკლი კობახიძე ამბობს, რომ წინასწარი მონაცემებით, საპარლამენტო არჩევნების 17-ვე მეორე ტურში მათი პარტიის კანდიდატი იმარჯვებს.
“წინასწარი მონაცემებით, როგორც მოსალოდნელი იყო, ქართული ოცნების 17-ვე კანდიდატმა მოიპოვა სადეპუტატო მანდატები”, — განაცხადა კობახიძემ.
დღეს, 21 ნოემბერს 17 მაჟორიტარულ ოლქში არჩევნების მეორე ტური იმართება, რომელსაც ოპოზიცია ბოიკოტს უცხადებს. ბარიერგადალახულმა ოპოზიციურმა რვა პარტიამ მაჟორიტარული არჩევნების მეორე ტურში მონაწილეობაზე უარი თქვა და განაცხადა, რომ არც პარლამენტში შევა. ტექნიკურად მათი სახელები ბიულეტენებში ჩაწერილი იქნება, თუმცა, როგორც ოპოზიციაში ამბობენ, მათ არც საარჩევნო კამპანია ჩაუტარებიათ და საჯაროდაც მოქალაქეებს მოუწოდებენ, არ წავიდნენ არჩევნებზე.
არჩევნების დღეს ოპოზიცია აქციის ჩატარებას გეგმავდა, თუმცა საბოლოოდ მათ გადაწყვიტეს, რომ საპროტესტო ღონისძიებებს არ ჩაატარებდნენ და სრულ იგნორირებას გამოუცხადებდნენ.
ამ ხნის განმავლობაში მმართველ გუნდში ამტკიცებდნენ, რომ ოპოზიცია მეორე ტურისთვის კოორდინატორებისა და ამომრჩევლის მობილიზებას აპირებდა.
ამასთან, პოლიტიკური კრიზისიდან გამოსავლის საპოვნელად აშშ-სა და ევროკავშირის ელჩების შუამავლობით მმართველი პარტიისა და ოპოზიცურ პარტიებს შორის მოლაპარაკებები მიმდინარეობს. ოპოზიციაში აცხადებენ, რომ მათი მოთხოვნები არ იცვლება და რიგგარეშე არჩევნებს მოითხოვენ. თავისი პოზიციების დათმობაზე უარს ამბობს ხელისუფლებაც. როგორც ქართულ ოცნებაში განმარტავენ, რიგგარეშე არჩევნების ჩატარებას არც განიხილავენ
მსგავსი სტატიები:
თავს ვერავისზე დავდებ – ნიკა მელია ოპოზიციონერების პარლამენტში შესვლაზე
ფლანგვის დეტექტორი: საახალწლო სამზადისისთვის ქვეყნის მასშტაბით 1 614 963 ლარი იხარჯება
შევარდნაძის პერიოდშიც კი, არჩევნებს აყალბებდა დღევანდელი ოპოზიცია – ირაკლი კობახიძე
მოლაპარაკებები ხელისუფლებისათვის სახლობანას თამაშივითაა- სამნიძე
“მოლაპარაკებების ჩაშლა იყო ოპოზიციის თვითმიზანი, რომელიც იმართება სააკაშვილისგან”
“მმართველი პარტია გამოიფიტა”
“მისთვის რამდენად კარგია ეს დაბრუნება, არ ვიცი, რადგან იქნება კითხვები”
ვარლამი პოლიტიკაში?! – გიორგი თარგამაძის OP-ED