ელისაშვილი წულუკიანს: ასე უკულტუროდ, ზიზღით ლაპარაკი არ შეიძლება – ნუ გველაპარაკება როგორც მძვინვარე სამხედრო სტრუქტურის ხელმძღვანელი

პარლამენტში მინისტრის საათის ფორმატში თეა წულუკიანს უსმენენ. პარტია მოქალაქეების ლიდერმა, ალეკო ელისაშვილმა ჟურნალისტებთან წულუკიანის სიტყვით გამოსვლა შეაფასა და აღნიშნა, რომ “წულუკიანმა ყველაფერი წაახდინა და გააფუჭა ამ ზიზღით, ცინიზმით და სიძულვილის ენით, რომელიც მისთვის როგორც ჩანს, პრობლემას არ წამოადგენს”.

“კითხვების ნაწილზე პასუხი მივიღე, სხვათა შორის გელათთან დაკავშირებით ამომწურავი პასუხი მივიღე, ნაწილ კითხვებზე ვერ მივიღე, ან იყო ბუნდოვანი, მაგალითად, გეოლოგიაზე. ობიექტურად თუ შევაფასებთ, ნახევარზე მეტს საქმიანად საუბრობს თეა წულუკიანი, 2/3 არის საქმიანი, როგორც ჩანს, მეტ-ნაკლებად გაერკვა საკითხებში, მაგრამ ეს ცინიზმი არის მიუღებელი და აღმაშფოთებელი, ეს ზიზღი, ცინიზმი, პოზაში ყოფნა და იქიდან დამრიგებლური და დამცინავი ლაპარაკი რომ მოგვეშორებინა, იქნებოდა საქმიანი საუბარი, ვერც კი შევადარებ განათლების მინისტრს, რომელიც სადღაც კოსმოსში დაფრინავს, ჰგონია, ყველაფერს კარგად აკეთებს და წარმოდგენა არ ჰქონდა სინამდვილეში რა პრობლემებია განათლების მიმართულებით. კულტურის დარგში რა პრობლემებია, როგორც ჩანს, ამაში ჩაიხედა წულუკიანმა, მაგრამ ყველაფერი წაახდინა და გააფუჭა ამ ზიზღით, ცინიზმით და სიძულვილის ენით, რომელიც მისთვის როგორც ჩანს, პრობლემას არ წამოადგენს. პრობლემა ის არის, რომ კულტურის მინისტრი ვერ ხვდება ასე უკულტუროდ, ზიზღით ლაპარაკი არ შეიძლება! ნუ გველაპარაკება როგორც მძვინვარე სამხედრო სტრუქტურის ხელმძღვანელი, არც თავდაცვის უწყების ხელმძღვანელი არ უნდა ლაპარაკობდეს ასე და ოპონენტებთან საუბრის ეს მანერა აღმაშფოთებელია, მით უფრო, კულტურის მინისტრისგან,”- განაცხადა წულუკიანმა.

გააზიარეთ და მოიწონეთ სტატია:

მსგავსი სტატიები:

“უფრო მაგარი იქნებოდა, წასვლის წინ რომ განმეორებითი არჩევნები დაენიშნა” ჩვენი განთავისუფლების სანაცვლოდ, ოპოზიცია პარლამენტში არუნდა შევიდეს- მელაშვილი “ამ ორ დასაქოქ რობოტს მინდა ვუთხრა…” – ვახო სანაია “წაი სვავო სახლში”-ნიკა გვარამია ივანიშვილს საქართველომ რუსულ ენერგოკომპანიას 80 მილიონი უნდა გადაუხადოს – 4-წლიანი დავა “ინტერ რაოსთან” “წარმოუდგენელი პოლიტიკური შურისძიების მაგალითია”-დეკანოიძე ე.წ პიჯაკების საქმეზე უზენაესის მოსამართლეების დანიშვნა გაუმართლებელი და დამაზიანებელია – არასამთავრობოები “სასაცილო და სატირალი ის არის,რომ ქვეყნის ამშენებელს შვიდ პიჯაკს ედავებიან…კარტოფილ-ხახვით გაპრეზიდენტებულ მადამ ფრანციცულისთვის დახარჯული ბიუჯეტის ხარჯი კი აუცილებელია”-დოდონა კიზირია