„ჭკვიანი ძაღლი, მილი საზოგადოებას თავისი უნარებით აოცებს. იგი ქუჩაში დაყრილ ნაგავს იღებს და ნაგვის ურნაში ათავსებს“, – ამის შესახებ გამოცემა People წერს.
5 წლის ძაღლი სახელად მილი, ინგლისის ქალაქ ჰიარფორდს თავის 80 წლის პატრონთან, ალფი კიტსოთან ერთად ასუფთავებს.
კიტსტონმა ძაღლს მხოლოდ ქუჩაში დაყრილ ნივთებზე უნდა მიუთითოს და უთხრას, რომ ურნაში მოათავსოს, რის შემდეგაც მილი თავის დავალებას ასრულებს.
მილიმ ეს ბრძაება ესპანეთში თავის პატრონებთან – კიტსონთან და მის ცოლ ჯუდიტთან ერთად ცხოვრების დროს ისწავლა. ახლა კი უკვე 18 თვეა რაც ინგლისში დაბრუნების შემდეგ იგი თავის ნიჭს ქალაქ ჰიარფორდის დასასუფთავებლად იყენებს.
„მილი ძალიან ჭკვიანი ძაღლია და როგორც ჩანს თავისი უნარების დემონსტრირება სიამოვნებს. ხალხი ხშირად მეკითხება, რატომ ვაკეთებთ ამას. მილისაც და მეც ეს ყველაფერი გვსიამოვნებს. თანაც ეს ჩვენს ქალაქში სისუფთავის შენარჩუნებაშიც გვეხმარება“,- ამბობს კიტსონი.
მილი 8 თვის იყო როდესაც ესპანეთში კიტსონებმა თავშესაფრიდან აიყვანეს. ახალი ოჯახის შეძენის შემდეგ მალევე, მილის პატრონმა მალაგასის პარკში ჯარისკაცი თავის ძაღლთან ერთად ნახა, რომელიც იმავე ბრძანებას ასრულებდა. ამის შემდეგ გაუჩნდა მას სურვილი მილისთვისაც იგივე ესწავლებინა.
თავდაპირველად პატრონმა ესპანეთში, თავის ეზოში, ნაგვის ურნის ზომის ყუთი დადგა და თანდათან ძაღლს ნივთების მასში მოთავსება ასწავლა. საბედნიეროდ, ჰიარფორდში დამონტაჟებული ურნებიც მილისთვის ნორმალური ზომის აღმოჩნდა, ამიტომ მას ბრიტანეთში გადასვლის შემდეგაც მიეცა შანსი თავისი ნიჭი წარმოეჩინა.
„ის უბრალო ოჯახის წევრი არ არის, სწორედ მილია ოჯახი. ძალიან მიხარია, რომ შეგვიძლია ხალხს ჩვენი შესანიშნავი ძაღლი ვაჩვენოთ“, – განაცხადა ამაყმა პატრონმა.
reportiori.ge
მსგავსი სტატიები:
რა შემთხვევაში იქნება “ოცნება” იძულებული დანიშნოს ხელახალი არჩევნები?
კომაში მყოფი 27 წლის ექთანი გარდაიცვალა
“სიკვდილი, ძალადობა, სიკვდილი, ძალადობა-როგორ შევულოცო ჩვენს ყოფას”?
აიცრება თუ არა AstraZeneca-ს ვაქცინით ლევან რატიანი
საქართველოში ტემპერატურა ნორმაზე 1-2 გრადუსით მაღალი იქნება და ზაფხულში 40 გრადუსს მიაღწევს
„ხელფასი დაბალია პედაგოგებისთვის და უნდა გავზარდოთ“ – პარლამენტის დეპუტატის განცხადება საბავშვო ბაღებში ანაზღაურებაზე
პატრონის მიერ ძაღლისა და კატის მიტოვებამ, შესაძლოა, ადმინისტრაციული სანქციის დაკისრება გამოიწვიოს
საქართველოს რამდენი მოქალაქე ითხოვს გერმანიაში თავშესაფარს – ზრდა 52.3%-ია