“უკრაინაზე რუსეთის თავდასხმა საშინელი იქნება და მნიშვნელოვან მსხვერპლს გამოიწვევს”

პენტაგონში გამართულ პრესკონფერენციაზე, აშშ-ს გაერთიანებული შტაბის უფროსების თავმჯდომარემ, გენერალმა მარკ მილიმ განაცხადა, რომ უკრაინის საზღვართან მობილიზებული რუსეთის ძალების მასშტაბები ნიშნავს, რომ თავდასხმას მძიმე შედეგები მოჰყვება:

„თუ ეს თავდასხმა უკრაინაზე განხორციელდა, მნიშვნელოვან მსხვერპლს გამოიწვევს“, – აღნიშნა გაერთიანებული შტაბის უფროსების თავმჯდომარემ.

მისი თქმით, მჭიდროდ დასახლებული ქალაქების ტერიტორიებზე ბრძოლა „საშინელება“ იქნება.

ამასთან, აშშ-ის თავდაცვის მინისტრი ლოიდ ოსტინი აცხადებს, რომ კონფლიქტი გარდაუვალი არ არის და ჯერ კიდევ არის დრო დიპლომატიისთვის.

“კონფლიქტი გარდაუვალი არ არის. ჯერ კიდევ არის დრო და სივრცე დიპლომატიისთვის”, – განაცხადა ოსტინმა და რუსეთის პრეზიდენტს, ვლადიმერ პუტინს სიტუაციის დეესკალაციისკენ მოუწოდა.

„არ არსებობს მიზეზი, რომ ეს სიტუაცია კონფლიქტში გადაიზარდოს. მას შეუძლია თავისი ჯარების გაყვანის ბრძანება გასცეს“, – დასძინა აშშ-ის თავდაცვის მინისტრმა. ამასთან, მან ხაზი გაუსვა, რომ აშშ მზადაა დაეხმაროს უკრაინას თავის დაცვაში, მათ შორის დამატებითი იარაღის მიწოდებით.

გააზიარეთ და მოიწონეთ სტატია:

მსგავსი სტატიები:

“ჯო ბაიდენმა ჯორჯ ვაშინგტონს შემადარა”-სააკაშვილი ვლადიმერ პოზნერს, რომელიც აშშ-ის მოქალაქეა, არ დაურღვევია კანონი ოკუპაციის შესახებ – შსს “სააკაშვილს ეუბნებიან-შენ გაიწიე და და შენი 900 ათასიანი პარტია გვათხოვე” “ძალიან დიდი სურვილი მაქვს ჩამოვიდეს სააკაშვილი, გავერთობით ძალიან კარგად” რატომ ხსნიდნენ დვაბზუს გამგებელს “მსხვერპლშეწირვას აკეთებენ… თავის კერპს, პუტინს, ანგარიშს აბარებენ” -კახა გოგიძე 14 ნოემბრის მონაცემებით, საქართველოდან 1,491 ტონა მანდარინის ექსპორტი განხორციელდა “იდეალური სცენარი იქნება, რომ ჩვენი მოქალაქე ჩვენს ქვეყანაში წამოვიყვანოთ” – დავით არახამია მიხეილ სააკაშვილზე