რუსეთი უკრაინის საზღვართან სხვა სამედიცინო მასალასთან ერთად სისხლის მარაგის მიწოდებასაც ახორციელებს, – ინფორმაციას Reuters-ი სამ ამერიკელ ოფიციალურ პირზე დაყრდნობით ავრცელებს, რომელთა ვინაობას არ ასახელებს.
სააგენტო წერს, რომ სისხლის მარაგი, სავარაუდოდ, დაჭრილი ჯარისკაცების სამკურნალოდ იქნება გამოყენებული, რაც მოსკოვის სამხედრო მზადყოფნის კიდევ ერთი მთავარი მანიშნებელია.
„ამერიკელი ოფიციალური პირების მიერ სისხლის მარაგების მობილიზების შესახებ ინფორმაციის გაჟღერება კიდევ ერთ კონტექსტს მატებს შეერთებული შტატების გაფრთხილებას, რომ რუსეთი, რომელსაც უკრაინის საზღვრებთან 100 000-ზე მეტი ჯარისკაცი ჰყავს მობილიზებული, შესაძლოა, უკრაინაში შეჭრისთვის ემზადებოდეს,“- წერს Reuters-ი.
ამასთან, გამოცემა The Wall Street Journal-ი დასავლეთის ქვეყნების თავდაცვის სექტორის ოფიციალურ პირებზე დაყრდნობით იუწყება, რომ რუსეთმა უკრაინის საზღვართან სამედიცინო ქვედანაყოფების გაგზავნა დაიწყო, რაც, შესაძლოა, უკრაინაში შეჭრისთვის მზადების ბოლო ეტაპი იყოს.
მსგავსი სტატიები:
ერთპარტიული მმართველობის აჩრდილი აედევნა საქართველოს- იან კელი
ამირან გამყრელიძე ჩინური Sinopharm-ის ვაქცინით პირდაპირ ეთერში აიცრა
ხელისუფლება მიშელის დოკუმენტის ჩაშლას ცდილობს
ამაზონის დამფუძნებელი ჯეფ ბეზოსი კოსმოსში გაფრინდება
გურული მხედრები ედინბურგში, 1904 – ფოტო
ბათუმში ახალგაზრდა კაცი მოკლეს, მისი ძმა კი დაჭრეს
მიხეილ სააკაშვილის გათავისუფლების პეტიციას ხელი მეუფე ნიკოლოზმაც მოაწერა
„მაშასადამე, მე ვარ ევროპელი“ – ზურაბ ჟვანია დღეს 58 წლის გახდებოდა