თურქეთის პრეზიდენტმა რეჯეფ თაიფ ერდოღანმა დაგმო რუსეთის სამხედრო მოქმედებები უკრაინის წინააღმდეგ და მას მიუღებელი უწოდა. ამის შესახებ თურქეთის პრეზიდენტმა სატელევიზიო მიმართვაში განაცხადა.
„ეს ნაბიჯი, რომელიც ჩვენ საერთაშორისო სამართლის საწინააღმდეგოდ ვიხილეთ, რეგიონული სტაბილურობისა და მშვიდობისთვის მიყენებული დარტყმაა“, – განაცხადა ერდოღანმა.
მისი განმარტებით, მას სატელეფონო კომუნიკაცია ჰქონდა უკრაინის პრეზიდენტთან ვლადიმერ ზელენსკისთან, სადაც კიდევ ერთხელ დაადასტურა უკრაინის ტერიტორიული მთლიანობისადმი მხარდაჭერა.
„ჩვენ გულწრფელად ვწუხვართ, რომ რუსეთი და უკრაინა, რომლებსაც ჩვენ განვიხილავთ მეგობარ ქვეყნებად და რომლებთანაც გაქვს ახლო პოლიტიკური და სოციალური ურთიერთობები, ამგვარად აღმოჩნდნენ ერთმანეთის პირისპირ. ჩვენს როლს შევასრულებთ, რათა უზრუნველვყოთ უკრაინაში მცხოვრებთა უსაფრთხოება, განსაკუთრებით ეს ეხებათ თურქეთის მოქალაქეებს“, – აღნიშნა თურქეთის პრეზიდენტმა.
მსგავსი სტატიები:
რელიგიის გამო დაპირისპირებული მხარეები კონსესუსამდე მივიდნენ
“მე ყოველთვის თქვენი გულშემატკივარი ვიყავი და ახლაც ვრჩები ასეთად”
ადვოკატებისა და მელიას მიზანია, რაც შეიძლება დიდხანს გაგრძელდეს პატიმრობა
ბორის კუსტოდიევის ოზურგეთი
ლარის ახალი, გამყარებული კურსი
მელია სააკაშვილზე: შეიძლება გადარჩეს, მაგრამ დარჩეს ძალიან მძიმე ხეიბარი
“თავისუფლება მიშას!” – ფოთში მოქალაქეები ღარიბაშვილს ტრანსპარანტებით დახვდნენ
პანკისის წარსულის ექო – გიორგი თარგამაძის ედიტორიალი