პარტია „საქართველოსთვის“ ლიდერმა გიორგი გახარიამ საქართველოსა და უკრაინის წინააღმდეგ რუსეთის სამხედრო აგრესიის შესახებ ილაპარაკა. საქართველოს ყოფილი პრემიერ-მინისტრი ორივე შემთხვევაში პასუხისმგებლობას რუსეთის ფედერაციას აკისრებს.
„შენს ტერიტორიაზე ომი შეუძლებელია რომ შენ დაიწყო, წერტილი. ამ ომს ვერ დაიწყებდა ვერც საქართველო [2008 წელს] ისევე, როგორც ვერ დაიწყებდა უკრაინა თავის ტერიტორიაზე. შეუძლებელია, რომ შენს მიწაზე დაიწყო ომი. ეს მითქვამს და კიდევ ერთხელ გავიმეორებ. სულ ასეთი პოზიცია მექნება, – განაცხადა გახარიამ „TV პირველის” ეთერში და დაამატა, – რა არის სხავაობა? ეს სხვაობა მკაფიოდ გამოჩნდა მსოფლიოს რეაქციაშიც, კონსოლიდირებულ ძალებში, რომლებიც დღეს გაერთიანდნენ კიევის ირგვლივ. მაშინ, 2008 წელს, სამწუხაროდ, ქართულმა მთავრობამ, „ნაციონალურმა მოძრაობამ“ ვერ დაარწმუნა მსოფლიო, რომ ეს პროვოცირებული არ იყო. პრეზიდენტმა ზელენსკიმ შეძლო მსოფლიო დაერწმუნებინა, რომ ეს იყო არაპროვოცირებული, არამედ – არაფრით განპირობებული ერთი სახელმწიფოს დარტყმა მეორეზე“.
24 თებერვალს რუსეთი უკრაინის ტერიტორიაზე სამხედრო ძალებით შევიდა და სრულმასშტაბიან საომარ მოქმედებებს ატარებს. რუსეთს შესაჩერებლად აშშ-მ, ევროკავშირმა, კანადამ, დიდმა ბრიტანეთმა და ა.შ. სანქციები დაუწესეს. საქართველოს პრემიერ-მინისტრი ირაკლი ღარიბაშვილი ამბობს, რომ “ეროვნული ინტერესებიდან” გამომდინარე, არ აპირებს შეუერთდეს ამ სანქციებს.
მსგავსი სტატიები:
“აშშ_მ დღეს მსოფლიოს წინაშე ჩააბარა გამოცდა დემოკრატიაში”
ღარიბაშვილი: “ჩვენ ვიქნებით შედეგზე ორიენტირებული მხარე, რომელიც კონკრეტულ გადაწყვეტილებებს მიიღებს”
“ძვირფასო კენტ,დაუყოვნებლივ და გადაუდებლადაა საჭირო უმკაცრესი ფინანსური სანქციები ივანიშვილისა და მისი გარემოცვის მიმართ”
დამოუკიდებლობის დღეს, ლევან ვასაძე მოსკოვში ალექსანდრე დუგინს ხვდება
მიხეილ სააკაშვილის ევროპული ვოიაჟი – შეხვედრები ევროპარლამენტარებთან
“ფრთხილად! გემუდარებით, ფეხი არ შედგათ – განავალში ჩაგახრჩობენ!” – რობერტ სტურუა
ბილ გეითსის ემოციური ფოტო ქალიშვილის ქორწილიდან – რას წერს ჯენიფერ გეითსი მამის დაბადების დღესთან დაკავშირებით
“მიშა არის ცუდად. მისი მდგომარეობა უახლოვდება კრიტიკულს… ამ ფონზე მას არ ჰყავს მკურნალი ექიმი” – ნიკა გვარამია