ლარი გაუფასურებას განაგრძობს. სავალუტო რეზერვებიდან 39 570 00 დოლარის გაყიდვის მიუხედავად, ერთი აშშ დოლარის ოფიციალური გაცვლითი კურსი 3.4019 ლარია, ევროსი კი – 3.7360 ლარი.
საქართველოს ეროვნული ბანკის ინფორმაციით, ვაჭრობის შედეგად, ქართული ლარი აშშ დოლართან მიმართებით 0.28 თეთრით გაუფასურდა, ევროსთან – 5.58 თეთრით.
ბოლო ორ კვირაში ლარი დოლართან 42 თეთრით გაუფასურდა, ხოლო ევროსთან – 35 თეთრით. იანვარ-თებერვლის რამდენიმე კვირის განმავლობაში ლარს გამყარების ტენდენცია ჰქონდა, რასაც თიბისი კაპიტალი ზომიერად ოპტიმისტურს უწოდებდა და სამომავლოდ მის გაუფასურებას უფრო მეტად პროგნოზირებდა, ვიდრე კიდევ უფრო მეტად გამყარებას.
ეკონომიკის მინისტრის მტკიცებით, ლარის გაუფასურების ობიექტური საფუძველი არ არსებობს და დევალვაციას მხოლოდ რეგიონში შექმნილი ვითარების გამო შექმნილი ნეგატიური მოლოდინები იწვევს. ასევე, ლევან დავითაშვილის აზრით, “პოლიტიკური პროცესები, რომლებიც ქვეყანაში მიმდინარეობს, ასევე ხელს უწყობს ამ გაუფასურებას და აჟიოტაჟს, რომელიც ეროვნული ვალუტის გარშემო იქმნება”. მან მოსახლეობას სიმშვიდისკენ მოუწოდა და თქვა, რომ “პანიკის აყოლის შემთხვევაში ვზარალდებით და ვზარალდებით ფუჭად”.
ეკონომიკის მინისტრის მტკიცებითვე, “ჯერჯერობით, ჩვენი ეკონომიკის ყველა მაჩვენებელი არის ძალიან ჯანსაღი და მყარი”. რაც შეეხება გრძელვადიან პროგნოზებს, ლევან დავითაშვილის თქმით, “ამაზეც ეკონომიკური გუნდი არის დარაზმული”.
“ჩვენ გვესმის, რომ რეგიონში შექმნილი ეკონომიკური პრობლემები შეიძლება აისახოს უარყოფითად და გარკვეული დანაკარგები ამას ჰქონდეს ჩვენს პროგნოზებში ეკონომიკაზე, მაგრამ ჩვენი პასუხისმგებლობაა, რომ ამას რაღაც მაკოპენსირებული ღონისძიებებით ვუპასუხოთ, აქ მარტო არ ვართ, ჩვენ ვართ ჩვენს საერთაშორისო საფინანსო პარტნიორებთან ერთად, შეჯერებული გვაქვს მათ შორის პოლიტიკა, მათ შორის ღონისძიებები, მათ შორის საპასუხო ნაბიჯები, რომლითაც უნდა შევძლოთ იმ უარყოფითი გავლენების კომპენსირება იმისთვის, რომ ეკონომიკის სტაბილური განვითარება შევინარჩუნოთ საქართველოში” – ამბობს დავითაშვილი.
მსგავსი სტატიები:
გერმანიაში ფიფქიას საფლავის ქვა აღმოაჩინეს- ზღაპრის გმირის რეალური ისტორია
“რა ღირს ტიტები?” – რეალური ისტორია
თბილისში 7 თვის ორსული გარდაიცვალა
საქართველოს მთავრობის განკარგულება, ფაშიზმზე გამარჯვების 76-ე წლისთავთან დაკავშირებით
სოფელ ნამოხვანში გაუჩინარებული ახალგაზრდა მამაკაცის ცხედარი იპოვეს
ყირიმ-კონგოს ცხელებით ინფექციურ საავადმყოფოში პაციენტი გარდაიცვალა
„მეოთხე ბრაიტონი”— ლევან კოღუაშვილის ფილმი ოსკარზე
ომიკრონის ბოლო ვარიანტი უფრო გადამდებია და მაღალი სიკვდილიანობის ერთ-ერთი მიზეზია – თენგიზ ცერცვაძე