“მსოფლიომ რეაგირება ახლა უნდა მოახდინოს…მასობრივი განადგურების იარაღის გამოყენების შემდეგ…რეაქცია აღარაფერს შეცვლის”- ზელენსკი

უკრაინის პრეზიდენტი ვოლოდიმირ ზელენსკი, მარიუპოლში რუსი ოკუპანტების მიერ მომწამვლელი ნივთიერების შემცველი საბრძოლო მასალის გამოყენებას ეხმაურება და ამბობს, რომ ამაზე მსოფლიომ “პრევენციული რეაგირება” უნდა მოახდინოს.

როგორც მან აღნიშნა, თუ რუსეთმა მასობრივი განადგურების იარაღი გამოიყენა, ამის შემდეგ ნებისმიერი რეაქცია უკვე აღარაფერს შეცვლის.

“ყურადღებით ვაკვირდებით მარიუპოლში, ქალაქის დამცველების წინააღმდეგ მომწამვლელი ნივთიერების შემცველი საბრძოლო მასალის გამოყენების შესახებ ცნობებს. ჯერჯერობით შეუძლებელია 100%-იანი დასკვნის გაკეთება იმის შესახებ, თუ რა სახის ნივთიერება იყო ეს. გასაგებია, რომ ბლოკირებულ ქალაქში შეუძლებელია სრული გამოძიების და ანალიზის ჩატარება, მაგრამ მარიუპოლის დამცველების წინააღმდეგ ქიმიური იარაღის გამოყენებასთან დაკავშირებით რუსი პროპაგანდისტების არაერთი მუქარისა და რუსული არმიის მიერ უკრაინაში ფოსფორის საბრძოლო მასალის არაერთხელ გამოყენების გათვალისწინებით, მსოფლიომ რეაგირება ახლა უნდა მოახდინოს. რეაგირება პრევენციულად, რადგან მასობრივი განადგურების იარაღის გამოყენების შემდეგ, ნებისმიერი რეაქცია არაფერს შეცვლის”, – თქვა ვოლოდიმირ ზელენსკიმ.

გააზიარეთ და მოიწონეთ სტატია:

მსგავსი სტატიები:

ოქმებში უზუსტობების მიზეზი, 95%-ზე მეტ შემთხვევაში, ადამიანური შეცდომებია- კობახიძე ტრამპმაც და ბაიდენმაც ხმების დათვლაში იურიდიული გუნდები ჩართეს “ვისურვებდი, რომ ის ყოფილიყოს ქვეყნის და საზოგადოების გამაერთიანებელი” მაკო გომურის შემთხვევა გამონაკლისია, რომელსაც არ შეეხება ამნისტია- სარჯველაძე პოლიცია ფალავანდიშვილის, მორგოშიას და მახარაძის სახლებს ჩხრეკს ყოველთვის ეზიზღებოდა ნარკოტიკები. მგონი პლანიც არა აქვს მოწეული – დავით ზურაბიშვილი სააკაშვილზე “გადახაზეთ წითელი მარკერით და დააწერეთ – არა რუსეთს! გაეცით მომაკვდინებელი პასუხი მომავლიდან!” – ბაჩუკი ქარდავა “ძაან სწრაფად საუბრობ, ვერ გავიგე” – თალაკვაძე კითხვაზე, რატომ არავინ ჩავიდა საქართველოდან უკრაინაში?