„პურის მრეწველთა კავშირის“ თავმჯდომარის მალხაზ დოლიძის განცხადებით, სავარაუდოდ, მაისიდან პურის ფასი გადაიხედება და დაახლოებით 20 თეთრით გაიზრდება.
როგორც დოლიძემ პრესკონფერენციაზე განაცხადა, პურის ფასის ცვლილება იმ შემთხვევაში იქნება საჭირო, თუ რუსეთიდან ფქვილი კვლავ გაზრდილი ფასით, 75 ლარად შემოვა.
„მარტის შემდეგ, როდესაც საბაჟო გაიხსნა და ფქვილის ღირებულება იყო 75 ლარი, ანუ ფქვილის ღირებულება გაიზარდა. ადგილობრივი ფქვილის ღირებულება კი 80 ლარია. ამას თუ დავუმატებთ გადასახადს – ელექტროენერგიის, ბუნებრივი აირის, წყლის, ხელფასების, დისტუბუციის – ეს ყველაფერი ერთად ფოკუსირდება ფასებში და დღის წესრიგში დადგა ფასწარმოქმის გადახედვის საჭიროება. გარემოს დაცვისა და სოფლის მეურნეობის მინისტრმაც თქვა, რომ ფასის გადახედვა მოხდება. არ ვამბობ, რომ ისე მოემატება ფასი, როგორც შაქარს ან ცხიმს მოემატა – უსაშველოდ, მაგრამ ჩვენი გადაანგარიშებით ფასის მატება დაახლოებით 20 თეთრის ფარგლებშია მოსალოდნელი. თუ რუსეთიდან უფრო დაბალი ფასის ფქვილი შემოვიდა, ამ ფასს შეგვანარჩუნებინებს. თუ ისევ 75 ლარზე დაფიქსირდება, ფასის ცვლილება საჭირო იქნება. ქვეყანაში ორთვიანი მარაგი ყოველთვის არის, მაგრამ საუბარია ფასზე – მარაგი არის, მაგრამ მაღალფასიანის. როდესაც წარმოებას მაღალფასიანი ფქვილი შემოუვა, წაგებაზე ხომ ვერ იმუშავებს?! ამიტომ, ზუსტად რიცხვს ვერ გეტყვით, მაგრამ, სავარაუდოდ, მაისის თვეში გადაიხედება ფასწარმოქმნა“, – განაცხადა მალხაზ დოლიძემ.
ამასთან, დოლიძის თქმით, თონეებში ქართული პურის ფასი უკვე გაიზარდა.
„მოდის ინფორმაცია, რომ თონეებში ქართული პურის ფასმა მოიმატა 10 თეთრით, ამას ვადასტურებ“,- განაცხადა მალხაზ დოლიძემ მედიაცენტრ „მთავარში“ გამართულ პრესკონფერენციაზე.
მსგავსი სტატიები:
ამ წუთებში მაიკ პომპეო საპატრიარქოში ილია მეორეს ხვდება
ნასაკირალზე უსახლკარო ცუგა, ახალ პატრონს ელოდება- შემფარებელს, კვების და სხვა ხარჯებს დაუფინანსებენ
5 წელი გიგა ოთხოზორიას მკვლელობიდან | ოჯახი ისევ დამნაშავის დასჯას ითხოვს
საპატრიარქოს მხრიდან ჯანდაცვის სამინისტროს მონაცემთა ბაზაზე შესაძლო წვდომას სახელმწიფო ინსპექტორის სამსახური შეისწავლის
“პულსზე გვიჭირავს ხელი, ვართ თავდაჯერებულები”
“მდგომარეობა ყოველ წუთს შეიძლება დამძიმდეს”- რას ამბობს მიხეილ სააკაშვილის პირადი ექიმი
როგორც ჩანს, კახა კუჭავა აღმოჩნდა არასაკმარისად უტიფარი – გიგი უგულავა
“ღარიბაშვილია საქართველოში კრემლის მთავარი პროპაგანდისტი…მას უნდა აეკრძალოს ქვეყნის სახელით ლაპარაკი!”-ნიკა მელია