სამოქალაქო მანქანების კოლონას, რომელიც ქალაქ ხარკოვის მახლობლად ბრძოლებისგან თავის დაღწევას ცდილობდა, ცეცხლი გაუხსნეს, რის შედეგადაც რამდენიმე ადამიანი დაიღუპა. არიან დაკარგულებიც. ამის შესახებ ხარკოვის რეგიონის პოლიცია იუწყება.
საგამოძიებო დეპარტამენტის უფროსის სერგეი ბოლვინოვის განაცხადებით, პოლიციამ კავშირი კოლონასთან რამდენიმე დღის წინ დაკარგა.
მისივე თქმით, სოფელ სტარი სალტივთან 15 მანქანა მოძრაობდა, სადაც ბოლო დღეებში მძიმე ბრძოლები მიმდინარეობდა, კოლონა უკრაინელების მიერ კონტროლირებად ტერიტორიაზე მიღწევას ცდილობდა.
კოლონის ნამსხვრევები პარასკევს იპოვეს.
შემთხვევის ადგილზე მისულმა გამომძიებლებმა დაზიანებული მტრის ტანკი და ორი რუსი სამხედროს ცხედარი იპოვეს. 300 მეტრში კი ექვსი მანქანა აღმოაჩინეს, რომელსაც ტყვიის ნახვრეტები აღენიშნებოდა და სადაც ოთხი მშვიდობიანი მოქალაქის ცხედარი იპოვეს.
მოკლულთა შორისაა 13 წლის გოგონაც, რომლის ნეშთიც იდენტიფიცირებულია.
მსგავსი სტატიები:
გადავიტანოთ პროცესი მოლაპარაკების მაგიდასთან – გრიგოლ ვაშაძე
პომპეოს ვიზიტს აქციებს და არეულობას უპირისპირებენ- კობახიძე ოპოზიციაზე
საქართველოს ისტორიის ამ კრიტიკულ მომენტში მარტო ვერ დავტოვებთ – დონალდ ტუსკი
“გუშინ ადიდებდნენ, დღეს ლანძღავენ… მეცნო”
“არ დაიჯეროთ, რომ ბევრი არიან! არ დაუთმოთ ამათ ეს ქვეყანა”
პანიკა ოცნებაში და სპეცოპერაცია, რომელიც შიშის სახელით ჩატარდა – კონტრტერორისტული ცენტრის ყოფილმა შეფმა სასამართლო დარბაზში საქართველოს ხელისუფლება ამხილა
იტალია ქუჩაში პირბადის ტარების ვალდებულებას აუქმებს
თანამედროვეს მიერ გადმოცემული ამბავი სისონა დარჩიას ძმის მკვლელობის შესახებ