“ჩვენს ქვეყანას აგრესიული ომები არასოდეს უწარმოებია, რუსეთს არ სურს ვინმეს ხელში ჩაგდება და ოკუპაცია”

ისე მოხდა, რომ ჩვენს ქვეყანას აგრესიული ომები თითქმის არასოდეს უწარმოებია – აცხადებს რუსეთის პატრიარქი თავის ქადაგებაში და ამტკიცებს, რომ რუსის ჯარი პირველ მსოფლიო ომამდე, ბალკანეთში წავიდა არა ტერიტორიებისთვის, არამედ ბულგარელი ხალხის “გადასარჩენად მონობისგან” -დაასახელეთ კიდევ ერთი ქვეყანა, რომელმაც ათასობით და ათი ათასობით ვაჟი შესწირა სხვა ქვეყნის დასახმარებლად, როგორც ჩვენ ვეხმარებოდით ბულგარელებს!” – ამბობს კირილი.

ამის შემდეგ კირილი პირველ მსოფლიო ომზე გადავიდა და დასავლეთი დაადანაშაულა პროვოცირებასა და მართლმადიდებლური ქვეყნების წინააღმდეგ ბრძოლაში:

“და პირველი მსოფლიო ომი? დასავლური ძალების მთავარი მიზანი და სამიზნე სერბები გახდნენ. და ეს ცნობილი პროვოკაცია სარაევოში – ყველაფერი იმისთვის იყო მიმართული, რომ სერბეთმა, სულით რუსეთთან ახლოს მყოფმა, მაგრამ დასავლეთის ქვეყნებით გარემოცულმა მართლმადიდებლურმა ქვეყანამ არსებობა შეწყვიტოს. დასავლეთს არ სურდა რუსეთის მოყვარული ეს მამაცი მართლმადიდებელი ხალხი თავის ხალხებში ყოფილიყო და პირველი მსოფლიო ომის პროვოცირება მოახდინა. და რუსეთი ამ ომში შევიდა არა იმისთვის, რომ მოეპოვებინა მიწა თავისთვის, არა იმისთვის, რომ გამდიდრებულიყო, არა იმისთვის, რომ მოეპოვებინა ძალაუფლება სხვებზე, არამედ იმისთვის, რომ გადაერჩინა მოძმე სერბი ხალხი.

რუსეთი თავს სწირავდა სხვების დასახმარებლად. ამიტომ ჩვენ ვეძახით ჩვენს ჯარს ქრისტესმოყვარეს – რადგან რა ძალას შეუძლია, გარდა შინაგანი სულიერი სიძლიერისა, ახსნას ჩვენი ჯარისკაცების დიდი ღვაწლი იმ ორ ომში!…

და რა მოხდა დიდი სამამულო ომის დროს? საშინელი მტერი თავს დაესხა ქვეყანას, რომელსაც არ გაუვლია თავისი ისტორიის საუკეთესო პერიოდი – 20-30-იანი წლები. თითოეულმა ჩვენგანმა, ვინც ისტორიას სწავლობს, იცის, რამდენად რთული და საშინელიც კი იყო ეს წლები ხალხისთვის. მაგრამ შემდეგ ომი მოვიდა და ყველა შეურაცხყოფა დავიწყებას მიეცა, ყველა რეპრესირებული მზად იყო წასულიყო და დაეცვა სამშობლო. და რამდენი ადამიანი, რომელსაც მანამდე ხელისუფლება თვლიდა

ხალხის მტრად, გახდა სამშობლოს მგზნებარე დამცველი! საიდან მოდის ეს ყველაფერი? – ჩვენი სულიერი ფესვებიდან, ჩვენი ეროვნული იდენტობიდან, ჩვენი ხალხის სულიერი ღირებულებებიდან. და უღმერთო დროშიც კი არ შეიძლებოდა ამ ფასეულობების განადგურება, რადგან ისინი გახდნენ ცხოვრების ნაწილი, ჩვენი ხალხის სულის ნაწილი” თქვა კირილმა და კიდევ ერთხელ დალოცა მისი აზრით, “განმათავისუფლებელი რუსული ჯარი”.

“და დღეს, ამ სამხედრო ტაძარში, ჩვენ პატივს მივაგებთ ყველას, ვინც ახლა იცავს ჩვენს სამშობლოს სხვადასხვა საზღვრებზე. ჩვენ გვჯერა, რომ ჩვენს ჯარს დღესაც სჭირდება სულიერი ძალა, თანადგომა და რაც მთავარია, მთელი ჩვენი ხალხის ლოცვა, არანაკლებ იმ დროისა, რაც მე გავიხსენე. ჯარს კი უნდა ახსოვდეს, რომ ჩვენ გვიყვარს, გვახსოვს და ვლოცულობთ მათთვის, ვინც დღეს იცავს ჩვენს სამშობლოს – თქვა რუსების პატრიარქმა.

კირილი ამტკიცებს, რომ რუსეთი ზიანს არავის აყენებს, არავის იპყრობს, როგორც ამას მსოფლიოს მდიდარი ქვეყნების უმეტესობა:

“რუსეთი არავის ცუდს არ უსურვებს, არ სურს ვინმეს ხელში ჩაგდება და ოკუპაცია, არ სურს რესურსების მიღება ვინმესგან, როგორც ამას აკეთებს მსოფლიოს მდიდარი და ძლიერი ქვეყნების უმეტესობა, ეკონომიკურად იკავებს სუსტ და უმწეო ქვეყნებს. ჩვენ არ გვჭირდება ეს ყველაფერი, ჩვენ ვართ თვითკმარი, მაგრამ გვჭირდება მხოლოდ ერთი რამ – ჩვენი ჭეშმარიტი თავისუფლება, დამოუკიდებლობა ძალაუფლების ამ მსოფლიო ცენტრებისგან, რომლებიც დღეს, სამწუხაროდ, მტრულად არიან რუსეთის მიმართ განწყობილი. ჩვენ უნდა გავაერთიანოთ ჩვენი სულიერი და მატერიალური ძალები, რათა ვერავინ გაბედოს ჩვენი სამშობლოს წმინდა საზღვრების ხელყოფა.” ამბობს კირილი თავის მორიგ “სამხედრო ქადაგებაში”.

გააზიარეთ და მოიწონეთ სტატია:

მსგავსი სტატიები:

“დაუპიპინე ბიძინას” – ივანიშვილს ქვეყნის მასშტაბით უსიგნალებენ “ესენი უნდა დავსპირტოთ და შევინახოთ”-ყუბანეიშვილი მთავრობაზე პანდემიის მიუხედავად 2020 წელს ბირთვულ შეიარაღებაზე მსოფლიოში 1,4 მილიარდი დოლარით მეტი დაიხარჯა “ეს არის ხალხის გენოციდი, შეგნებული განადგურება და მკვლელობა საკუთარი მოქალაქეების” ერთ კვირაში 40 ბაღი დაიხურა, დისტანციურ სწავლებაზე გადავიდა 7 სკოლა და ცალკეული 90 კლასი 7 ნოემბრიდან 2 წელი უსაპნოდ უძვრებოდი სააკაშვილს, ჯობია გაჩუმდე – უგულავა კალაძეს ”როცა ქვეყანაში კორონავირუსით ამდენი ადამიანი იღუპება, ეს უკვე განგაშის ნიშანია, ჩვენ დიდი ხანია ამ განგაშის ნიშანში ვართ” “რუსეთი არის ღორი და თუ ვინმე ს გეწყინათ წადით საღორეში” – კახა გოგიძე