“არ შეიძლება საქართველოს აღმშენებელს ასე ექცეოდე..ჩვენ ვითხოვთ ადამიანის უფლებას, იცოცხლოს”

ჩვენ ვითხოვთ მიშას ჯანმრთელობას, ჩვენ ვითხოვთ ადამიანის უფლებას, იცოცხლოს. არ შეიძლება საქართველოს ყოფილ პრეზიდენტს, საქართველოს აღმშენებელს, საქართველოს ფეხზე დამყენებელს ასე ექცეოდე, – ამის შესახებ საქართველოს მესამე პრეზიდენტის მიხეილ სააკაშვილის ძმამ, გიორგი სააკაშვილმა ბათუმში აქციაზე განაცხადა.

გიორგი სააკაშვილის თქმით, დღევანდელი აქცია ბრძოლის დასაწყისია და მალე აქციებით სხვადასხვა რეგიონს მოივლიან.

“მინდა აღვნიშნო, რომ ესაა ბრძოლის დასაწყისი. ჩვენ არ დავუშვებთ არასდროს მიშას ფატალური შედეგით დასრულებას. მე მაქვს თითოეული თქვენგანის იმედი. მე ვიღებ პასუხისმგებლობას, ოჯახის სახელით ჩავუდგე სათავეში მოძრაობას, რომელიც მიაღწევს, რომ მიშა პირველ რიგში ჩვენ გვყავდეს ჯანმრთელი.

ჩვენ ვიბრძოლებთ ბოლომდე, ვიბრძოლებთ მიშას ჯანმრთელობისთვის. მე პირობა მოგეცით, რომ დღეს შემოვუერთდებოდი ბათუმს. ეს არის დასაწყისი ჩვენი ბრძოლის, ვინაიდან ბათუმი ითვლება თავისუფლების სიმბოლოდ, თქვენ უნდა დამიდგეთ გვერდზე, თქვენ იქნებით სიმბოლო. ბათუმიდან აუცილებლად წავალ ზუგდიდში, ქუთაისში, ლანჩხუთში, კახეთში, აბსოლუტურად ყველა ქალაქში.

ჩვენ ვითხოვთ მიშას ჯანმრთელობას, ჩვენ ვითხოვთ ადამიანის უფლებას, იცოცხლოს. არ შეიძლება საქართველოს ყოფილ პრეზიდენტს, საქართველოს აღმშენებელს ასე ექცეოდე, ოთხ კედელში იყოს დამწყვდეული. ვისმენდი კობახიძის განცხადებას, რომ თურმე ჩვენ 9 წლის მანძილზე გვმართავდა ფსიქოპატი. გამოდის, რომ ჩვენ ვართ ყველა ფსიქოპატები. ჩვენ ვართ ქართველი ხალხი, ჩვენ ვართ ერთად და ერთიანობა უნდა დაიწყოს ბათუმიდან“, – განაცხადა გიორგი სააკაშვილმა.

“ინტერპრესნიუსი”

გააზიარეთ და მოიწონეთ სტატია:

მსგავსი სტატიები:

დეგნანი: პრობლემის გადაჭრის მოლოდინი მაქვს, ქართველების ინტერესშია პარლამენტის არსებობა გურიის რეგიონში დევნილებისა და ეკომიგრანტებისთვის, სასათბურე მეურნეობების მხარდაჭერის პროგრამა დაიწყო პანდემიის ერთი წელი – ამერიკამ საქართველოს 7 მლნ ამერიკულ დოლარზე მეტი დახმარება გაუწია “თუ რამე დასაცავი იქნება არჩევნების დღეს, უნდა დავიცვათ!ეს არის გამარჯვების ფორმულა” ინციდენტი ირანში – გუბერნატორს ინაუგურაციის ცერემონიაზე სახეში გაარტყეს ინსპექტორის სამსახურის გაუქმება შემაშფოთებელი, ნაჩქარევი და რთულად ასახსნელია-დეგნანი სამედიცინო პერსონალმა მიიღო ჰოსპიტალიდან გაწერის გადაწყვეტილება… დროებით რჩება ჰოსპიტალში – პენიტენიცური მიხეილ სააკაშვილზე “ვცდილობთ გავთბეთ როგორმე” – უკრაინაში მიწისქვეშა თავშესაფარში მყოფი ქართველები შველას ითხოვენ