“კრემლის მიზანი ჩინეთთან კავშირების განვითარებაა”

მოსკოვი ყურადღებას გაამახვილებს ჩინეთთან კავშირების განვითარებაზე და შეწყვეტს დასავლეთიდან მომარაგებაზე დამოკიდებულებას, – ამის შესახებ რუსეთის საგარეო საქმეთა მინისტრმა, სერგეი ლავროვმა განაცხადა.

მისი თქმით, კრემლის მიზანია ჩინეთთან კავშირების შემდგომი განვითარება ახლა, როდესაც დასავლეთმა „დიქტატორის პოზიცია“ დაიკავა უკრაინაში ომის ფონზე.

„თუ მათ (დასავლეთს) სურთ რაიმე შემოგვთავაზოს ურთიერთობების აღდგენის კუთხით, მაშინ ჩვენ სერიოზულად განვიხილავთ, გვჭირდება თუ არა ეს“, – აღნიშნა ლავროვმა.

მისი თქმით, ჩინეთს აქვს საინფორმაციო და საკომუნიკაციო ტექნოლოგიები, „რომელიც არანაირად არ ჩამოუვარდება დასავლეთს“.

„ჩვენ უნდა შევწყვიტოთ რაიმე სახის დამოკიდებულება დასავლეთიდან აბსოლუტურად ყველაფრის მოწოდებაზე, რათა უზრუნველვყოთ უსაფრთხოების, ეკონომიკისა თუ ჩვენი სამშობლოს სოციალური სფეროსთვის კრიტიკულად მნიშვნელოვანი სექტორების განვითარება“, – აღნიშნა ლავროვმა.

მისი თქმით, რუსეთს „მხოლოდ საკუთარი თავის და იმ ქვეყნების იმედი აქვს, რომლებმაც დაამტკიცეს სანდოობა და სხვის დაკრულზე არ ცეკვავენ“.

გააზიარეთ და მოიწონეთ სტატია:

მსგავსი სტატიები:

მშვენიერაძე დავითგარეჯის შესახებ ივანიშვილის განცხადებაზე ოზურგეთში მაღაზიის გაქურდვის ფაქტზე, გამოძიება დაიწყო კრწანისის რაიონში დაპირისპირების შედეგად 1 ადამიანი დაიღუპა, 3 კი დაიჭრა კონსტანტინე შარაშენიძე ოზურგეთის მერობისათვის კვლავ დამოუკიდებლად იბრძოლებს “არავის ისე არ გაუთელია ფეხქვეშ “კაიბიჭობის” ინსტიტუტი როგორც ქოცებს” – ოქრუაშვილი “რა პოლიტიკურ მორატორიუმზეა ლაპარაკი, როდესაც ადამიანმა დანაშაული ჩაიდინა” – ვოლსკი “მითი “რუსეთის უძლეველობისა” უნდა გაქარწყლდეს…რუსეთი ოკუპანტია!”-ირმა გორდელაძე კრემლმა მოლდოვაზე თავდასხმის გადაწყვეტილება მიიღო