საქართველოში მოთხოვნა ძირითადად ჰიბრიდულ და დაბალძრავიან ავტომობილებზეა, – ამის შესახებ გადაცემა „საქმის კურსში“ „კავკასიის ავტომარკეტის” დისტანციური გაყიდვების დეპარტამენტის ხელმძღვანელმა, კახა ლომიძემ ისაუბრა. მისი თქმით, „ტოიოტა პრიუსი“ ერთ-ერთი ყველაზე მოთხოვნადია.
„ახლა ყველაზე მოთხოვნადი იაპონური ავტომობილებია, ვინაიდან აქაური მომხმარებელი ძირითადად გამძლეობაზე აკეთებს აქცენტს. თუმცა დიდი მოთხოვნაა ამერიკულ ავტომობილებზეც, მათ შორის „ფორდზე“, „შევროლეზე“. თუმცა „ტოიოტა“ ყოველთვის ლიდერობს“, – განაცხადა კახა ლომიძემ.
მან ამერიკის ავტობაზარზე ბოლო პერიოდში შექმნილ ვითარებაზეც ისაუბრა და აღნიშნა, რომ ამერიკის შეერთებულ შტატებში ავტომობილების მოხმარების საშუალო ასაკი გაიზარდა.
„პანდემიის პერიოდში მიწოდების ჯაჭვი დაირღვა, ამასთან ისეთ პროდუქტებზე გაჩნდა დეფიციტი, რომლის გარეშე ავტომწარმოებელი ავტომობილს ვერ აწარმოებს. ამ ყველაფერმა გამოიწვია ის რომ ადამიანს, რომელსაც ახალი ავტომობილის შეძენა სურს, ერთი წელი და მეტი ხნით უწევს ლოდინი, ამიტომაც მომხმარებელს აქვს რამდენიმე გზა: დაიტოვოს ის ავტომობილი, რომელსაც ფლობს, ან მიმართოს ადგილობრივ ბაზარს, ან კიდევ დაელოდოს დიდი ხნის განმავლობაში ახლის გამოსვლას. ხშირ შემთხვევაში ლოდინი ეზარებათ და ეს იწვევს იმას, რომ ავტომობილების მოხმარების საშუალო ვადა გაიზარდა.
რაც შეეხება დეფიციტს, ამერიკის ბაზარზე დეფიციტი არ არის. ჩვენ ყველგან მიგვიწვდება ხელი, ნებისმიერ აუქციონზე შეგვიძლია მონაწილეობა, თუმცა უმეტესად სადაზღვევო აუქციონებზე, სადაც დეფიციტი არაა, თუმცა გაიზარდა კონკურენცია და მოთხოვნა მეორეულ ავტომობილებზე. შესაბამისად, ამან გამოიწვია ფასების 20%-ით ზრდაც“, – აღნიშნა მან.
მსგავსი სტატიები:
„მე მაქვს iPhone 11 PRO – ბოლო მოდელი არაა, გამოვიდა უკვე iPhone 12“ – მეუფე ნიკოლოზი
“ასეთ კარგ შედეგს ბევრი არ ელოდა”-მელია
საქართველოში COVID-19-ის 1 792 ახალი შემთხვევა გამოვლინდა
2022 წლის ბოლოდან ყველა ტიპის თამბაქოს კოლოფი ერთნაირი იქნება
სააკაშვილს არ სჭირდება 100 ათასი კაცი, მას სჭირდება 10 პოლიციელი, რომელიც დააკავებს – ღარიბაშვილი
1-ლი დეკემბრიდან საქართველოში რამდენიმე ცვლილება ამოქმედდება
იოზვიაკი: ვფიქრობ, ევროკავშირში არის საქართველოთი ე.წ. დაღლა, სტრატეგიული პაუზაა
ოკუპანტებმა ახალგაზრდა დედა ტყვედ აიყვანეს, პროპაგანდისთვის იყენებენ – უკრაინული მედია