რომის პაპი ფრანცისკე, ჯანმრთელობის მდგომარეობიდან გამომდინარე, შესაძლოა წინამორბედის, ემერიტუსი პაპის ბენედიქტ XVI-ის მსგავსად გადადგომას გეგმავდეს. ინფორმაციას დასავლური მედია ავრცელებს.
მათივე ცნობით, პონტიფიკოსს გადაადგილების პრობლემები აქვს, რის გამოც ის ბოლო ერთი თვის განმავლობაში, ეტლით სარგებლობს.
კათოლიკური ეკლესიის მეთაურის შესაძლო გადადგომის შესახებ მედიაში საუბარი მას შემდეგ გახშირდა რაც, გასულ კვირას, პაპმა დააანონსა, რომ 27 აგვისტოს 21 იერარქს კარდინლის ხარისხში აიყვანს.
აღსანიშნავია, რომ თექვსმეტი მათგანი 80 წლამდე ასაკისაა, რაც იმას ნიშნავს, რომ მათ კონკლავში ფრანცისკეს მემკვიდრის ასარჩევად ხმის მიცემა შეეძლებათ.
საინფორმაციო სააგენტო „ასოშიეთედ პრესის“ ცნობით, რომის პაპი ფრანცისკე 28 აგვისტოს ცენტრალურ იტალიაში მდებარე ქალაქ ლ’აკვილას ეწვევა, სადაც ის მეცამეტე საუკუნეში მოღვაწე პაპ ცელესტინ V-ის მიერ დაწესებულ რელიგიურ დღესასწაულს აღნიშნავს.
როგორც მედიასაშუალება წერს, აღნიშნულმა ვიზიტმა პაპის შესაძლო გადაგომის შესახებ ვარაუდები გაამძაფრა, რადგან პაპი ცელესტინ V იმ მცირე პონტიფიკოსთაგანია, რომელიც კათოლიკური ეკლესიის მეთაურის ტახტიდან გადადგა.
მსგავსი სტატიები:
კორონავირუსის ვაქცინას ამერიკელები, სავარაუდოდ, 11 დეკემბრისთვის მიიღებენ
შიში მაქვს, მივა თუ არა ასაცრელად მოსახლეობა – გაბუნია
“ბატონი ბიძინა ახარებდა ვაზს, უფასოდ არიგებდა ნერგებს”-მინისტრი, რომელმაც ივანიშვილი ექვთიმეს შეადარა
“მასწავლებელი მოკლეს, გვაპატიეთ მასწავლებელო, რომ ვერ დაგიცავით…”
ძალიან ცუდი, კატასტროფული მდგომარეობაა – თენგიზ ცერცვაძე ვაქცინაციაზე
საკოორდინაციო საბჭომ კლუბების გახსნის გადაწყვეტილება არ მიიღო
უკრაინულმა დანაყოფებმა კადიროვის ერთ-ერთი მთავარი საველე მეთაური, მაგომედ თუშაევი მოკლეს
“პირველად ვამბობ საჯაროდ” – რის გამო გაწყვიტა ურთიერთობა ხუხაშვილმა ივანიშვილთან