“კატეგორიულად გამოვრიცხავთ, რომ სანქცირებულმა პირმა საქართველოს საბანკო სექტორის გამოყენებით ნებისმიერი სახის ფინანსური ოპერაციის განხორციელება შეძლოს. ასეთის აღმოჩენის შემთხვევაში, უმკაცრესი რეაგირება გვექნება” – ასე ეხმაურება საქართველოს ეროვნული ბანკი ფრაქცია ხალხის მსახურის თავმჯდომარის, დავით არახმიას განცხადებას. სებ-ი აღნიშნავს, რომ საქართველოს საფინანსო სექტორი გლობალური საფინანსო სისტემის ნაწილია და საერთაშორისო ნორმებისა და სტანდარტების შესაბამისად მოქმედებს.
“არაერთხელ აღგვინიშნავს, რომ საქართველოს ეროვნული ბანკი საფინანსო სექტორის რეგულირებისას ყოველთვის საერთაშორისო რეზოლუციებით განსაზღვრული მოთხოვნებით ხელმძღვანელობს. შეგახსენებთ, რომ სანქციებით გათვალისწინებული მოთხოვნების შესრულების ვალდებულების შესახებ მითითება ეროვნულმა ბანკმა საქართველოს საფინანსო სექტორის წარმომადგენლებს ომის დაწყების მეორე დღესვე მისცა და ამასთან, როგორც საფინანსო სექტორის მარეგულირებელი, იცავს ყველა სტანდარტსა და საერთაშორისო რეზოლუციას, რაც ქართულ საბანკო სექტორში რაიმე ტიპის სანქცირებული ოპერაციის განხორციელებას გამორიცხავს.
ეროვნული ბანკის სწრაფ, ადეკვატურ და ეფექტიან მოქმედებებს არაერთხელ გამოეხმაურა როგორც დიპლომატიური კორპუსი, ასევე საერთაშორისო ორგანიზაციები. საერთაშორისო სავალუტო ფონდის განცხადებაში აღნიშნულია, რომ “საქართველოს ეროვნული ბანკის სწრაფი და ადეკვატური ქმედებებით ეფექტიანად წარიმართა საფინანსო სექტორის მიერ სანქციების დაცვის პროცესი”.
ამავე დროს, ეროვნული ბანკი მჭიდროდ თანამშრომლობს საერთაშორისო ინსტიტუტებთან, რის შედეგადაც ბანკებს მუდმივად მიეწოდებათ განახლებული მონაცემები სანქცირებული პირების და ორგანიზაციების შესახებ. სანქციების თავიდან არიდებაში დახმარება არც ქართული ბანკების ინტერესში არ არის, ხოლო მათ საქმიანობას კი, მუდმივად ზედამხედველობს ეროვნული ბანკი. ეს მიდგომები ცნობილია და სამაგალითოდაა შეფასებული ჩვენი პარტნიორი ქვეყნების, მათ შორის, აშშ-ის, ევროკავშირის და დიდი ბრიტანეთის მიერ” – აცხადებს ეროვნული ბანკი.
ფრაქცია ხალხის მსახურის თავმჯდომარემ და რუსეთთან სამშვიდობო მოლაპარაკებებზე უკრაინის დელეგაციის ხელმძღვანელმა, დავით არახამიამ ვაშინგტონში, გერმანიის მარშალის ფონდის ღონისძიებაზე თქვა, რომ რუსეთი სანქციების გვერდის ასავლელად “ქართულ ბანკებს, საფინანსო სისტემებს, კომპანიებსა და ა.შ.” აქტიურად იყენებს.
მსგავსი სტატიები:
ოზურგეთის საბავშვო ბაღებში აღსაზრდელები მასიურად მოიწამლენ
დაუმორჩილებლობის მარშისთვის მზადება დაიწყო
“დაიწყო წინადადებების აწყობა…”- როგორია ცოტნე გამსახურდიას ჯანმრთელობის მდგომარეობა
შსს-ს აღიარება: „ვერ ვუზრუნველყოფდით „პრაიდის“ მონაწილეთა უსაფრთხოების დაცვას“
“ბატონო არჩილ, არ გაჭრა ფულის დარიგებამ,მადლობა ოზურგეთლებს,ვინც ფული აიღო და ხმა არ მოგცათ”-გიორგაძე არჩლ თალაკვაძეს
“ჩვენთან “ომიკრონი“, სავარაუდოდ, 2-3 კვირის შემდეგ გამოჩნდება… გვექნება შტორმი. ძალიან სწრაფად გადაგვივლის” – დევი ტაბიძე
კარატეს ფედერაციის პრეზიდენტს თანამდებობა დაატოვებინეს -ბასილია ამას ანზორ ჩუბინიძის ზეწოლას უკავშირებს
ვისთვის რეკს უკრაინაში ეკლესიის ზარები – გიორგი თარგამაძის ედიტორიალი