“საქართველოსთვის მესიჯი შემდეგია: დააჩქარეთ პროგრესი და მიაღწევთ კანდიდატის სტატუსს” – ასე ეხმაურება სახდეპის მდივნის თანაშემწე კარენ დონფრიდი ევროკომისიის გადაწყვეტილებას, რომელმაც საქართველოსთვის ევროკავშირის კანდიდატის სტატუსის მინიჭების რეკომენდაცია არ გასცა.
ამის შესახებ მან “ნეტგაზეთთან” ინტერვიუში ისაუბრა.
ჩემი დღევანდელი ვიზიტი თბილისში უფრო ემოციური გახდა ევროკომისიის მიღებული გადაწყვეტილების გამო. ყველა ქართველი, ვისაც დღეს ველაპარაკე, ახსენებდა ევროკომისიის გადაწყვეტილებას, – მანამდეც კი, სანამ გამოცხადდებოდა. ვფიქრობ, ძალიან დიდი მოლოდინი იყო, სანამ გადაწყვეტილება გამოცხადდებოდა და მას შემდეგაც, რაც გადაწყვეტილება გამოცხადდა.
მე ყველა ჩემს თანამოსაუბრეს შევატყვე მწუხარება ამ გადაწყვეტილების გამო. ჩემთვის გამაოგნებელია ფაქტი, რომ ქვეყნის 80%-ზე მეტი, – 80-85% ქართველებისა, – მხარს უჭერს ევროკავშირში საქართველოს გაწევრიანებას. ეს ფენომენალური სტატისტიკაა.
მათ გამიზიარეს თავიანთი აზრები, – ჩვენ იმედი გვქონდა, რომ იმავე კატეგორიაში ვიქნებოდით, უკრაინასა და მოლდოვასთან ერთად კანდიდატის სტატუსი მოგვენიჭებოდაო. და მე მესმის ეს მწუხარება.
თუმცა მე როდესაც გავიგე ევროკომისიის განცხადება, ჩემთვის ეს შემდეგნაირად ჟღერდა: საქართველო არის ევროკავშირის ოჯახის წევრი; ევროკომისიამ მისცა საქართველოს ევროპული პერსპექტივა, და არა მხოლოდ მიანიჭა ეს სტატუსი, არამედ ძალიან ცხადად [ჩამოაყალიბა] პრიორიტეტები, რაც, მათი ხედვით, საქართველოს სჭირდება პროგრესის მისაღწევად, – რათა მან მოიპოვოს კანდიდატის სტატუსი. ასე რომ, ვფიქრობ, საქართველოს ახლა აქვს ძალიან ცხადი საგზაო რუკა იმ რეფორმების შესახებ, რომელზეც იგი უკვე მუშაობს.
ასე რომ, მესიჯი საქართველოსთვის არის შემდეგი: დააჩქარეთ პროგრესი ამ რეფორმების გზაზე და თქვენ მიაღწევთ კანდიდატის სტატუსს.
ასე რომ, მართლაც ვფიქრობ, იმან, რაც ჩვენ დღეს ვნახეთ, დაადასტურა საქართველოს მიახლოება ევროკავშირის წევრობის მიზანთან. როგორც იცით, შეერთებული შტატები წლებია, არის მოწინავე მხარდამჭერი საქართველოს ევრო-ატლანტიკური ინტეგრაციისა.
მე მჯერა, რომ საქათველო იქნება ევროკავშირის წევრი, იქნება ნატოს წევრი. საქართველოს ადგილი აქ არის. მაგრამ ამისათვის საქართველომ ბეჯითად უნდა იშრომოს. და მას უკვე აქვს ბეჯითად ნამუშევარი ამ გზაზე. მაგრამ ქართველებმა გული არ უნდა გაიტეხონ, პირიქით, უნდა თქვან, „კარგით, ჩვენ ახლა მზად ვართ, წინ წავიწიოთ ამ რეფორმებში, რადგან ამას არა მხოლოდ მივყავართ ევროკავშირში, არამედ ეს ნიშნავს, რომ საქართველოს ექნება უფრო ძლიერი, მდგრადი დემოკრატია“. ეს საქართველოს ევროკავშირისა და ნატოს უფრო ძლიერ წევრად, და შეერთებული შტატების უკეთეს პარტნიორად და, საბოლოოდ, მოკავშირედ აქცევს, – ამბობს კარენ დონფრიდთან.
მსგავსი სტატიები:
New Road_მა გომისმთისკენ მიმავალი გზის რეაბილიტაციის სამუშაოები დაიწყო
ჩოხატაურელი ბავშვის ნამუშევარის ბანერი, ქალაქის სკვერში დაკიდეს
რას წერს ანზორ ერქომაიშვილი გურულებზე
“შარლ მიშელის დოკუმენტი, სამწუხაროდ, არ არსებობს”
დეკანოზი- არ მოკლათ ადამიანი! აჩვენეთ ღმერთს, რომ ჩვენ შევიცვალეთ!
“გურიაში მუზეუმის თანამშრომლებს 200 ლარი აქვთ ხელფასი,ჩინოვნიკები ვერ გაძღნენ, ვერ ამოივსეს სტომაქი”-ირაკლი მახარაძე
რუსმა ოკუპანტებმა ხერსონში ტყეს ცეცხლი წაუკიდეს და სახანძროებს ადგილზე არ უშვებენ
ოზურგეთის საკრებულოს სხდომა დეპუტატმა ნიკოლაშვილმა პროტესტის ნიშნად დატოვა