Bloomberg – ის ინფორმაციით, ბიძინა ივანიშვილმა Credit Suisse Group-ის ერთეულის ყოფილი ბანკირის თაღლითობის გამო, დაახლოებით $607 მილიონი დაკარგა. გამოცემის ცნობით, ამის შესახებ გუშინდელ სასამართლოზე გახდა ცნობილი, რომელსაც ბერმუდის უზენაესი სასამართლოს მოსამართლე ჰარგუნი უძღვებოდა.
ჰარგუნმა სამი თვის წინ ზარალი 553 მილიონი დოლარით შეაფასა. ახალი შეფასებით კი, ივანიშვილის ზარალი მარტში დასახელებულზე დაახლოებით 10%-ით მეტია.
მაშინ მოსამართლემ Credit Suisse Life გააკრიტიკა და თქვა, რომ ბანკის სიცოცხლის დაზღვევის განყოფილებამ “თვალი დახუჭა” თაღლითის, პატრიკ ლესკოდრონის დანაშაულზე.
ბანკი კი ამტკიცებს, რომ ლესკოდრონი, რომელიც 2018 წელს გაასამართლეს, “მარტოხელა მგელი” იყო და თავის თაღლითურ საქმიანობას მალავდა.
Credit Suisse Life-ის (ბერმუდის) ადვოკატმა, ჯონათან ქროუმ სამშაბათის სასამართლოზე აღნიშნა, რომ ჰარგუნის გადაწყვეტილებას არ ეწინააღმდეგება და რომ ის აღიარებს განახლებულ მონაცემს [$607 მილიონს], მაგრამ მისივე თქმით, კომპენსაცია “უნდა დაკმაყოფილდეს მხოლოდ ცალკეული ანგარიშების აქტივებიდან”.
კომპენსაციის გადახდის ფორმაზე ბანკისა და ივანიშვილის ადვოკატები სამშაბათს გამართულ სასამართლოზე ვერ შეთანხმდნენ. გადაწყვეტილებას მოსამართლე ჰარგუნი მოგვიანებით მიიღებს.
მსგავსი სტატიები:
„ქართული ოცნების“ გურიის მაჟორიტარი დეპუტატობის კანდიდატი ამომრჩეველთან შეხვედრას განაგრძობს
“სააკაშვილს სურს რევოლუცია, მაგრამ არ გამოუვა”- კალაძე
სამსახურში ხიდისთავიდან ვივლი- გურიის გუბერნატორის პირველი კომენტარი
რუსეთის მთავრობამ წიწიბურას საზღვარგარეთ ექსპორტი დროებით აკრძალა
“მთელი საქოცეთი მოუთმენლად ელის მის სიკვდილს…ეს არ უნდა მოხდეს!!!! მიშამ უნდა იცოცხლოს!!!!!!!!!!!!!…მიშამ უნდა შეწყვიტოს შიმშილობა!”-დოდონა კიზირია
“სუს-მა აღიარა, რომ წაშალა გორის ძალადობის ჩანაწერები…მე არ ვაპირებ გაჩერებას…რას აპირებთ თქვენ?“–სააკაშვილის მორიგი მიმართვა
ბრიტანეთის ყოფილი პრემიერები პუტინის ნიურნბერგის მოდელის ტრიბუნალზე წარდგომას ითხოვენ
“იან კელი ტაშს უკრავს მისი პოლიტიკური მეგობრის, ნიკა გვარამიასთვის განაჩენის გამომტანი მოსამართლის დისკრიმინაციას… არ მიკვირს…” – წულუკიანი