საქართველო კორონავირუსის მეშვიდე ტალღისთვის ემზადება – ქვეყანაში კოვიდინფიცირებულთა რაოდენობა ბოლო კვირის განმავლობაში გაორმაგდა და 1 000 შემთხვევას გადააჭარბა, თუმცა შესაძლოა მათი რიცხვი კიდევ უფრო დიდი იყოს.
პანდემიის ხელახალი აფეთქების მთავარ მიზეზად სპეციალისტები ომიკრონის ახალ ქვეშტამს ასახელებენ, ყოველ მეორე ინფიცირებულს BA.5 ტიპის შტამი გამოუვლინდა. კორონავირუსის ახალი ქვეშტამი სწრაფად ვრცელდება, ინფიცირებულებს კი ძირითადად მაღალი ტემპერატურა აწუხებთ. ჯანდაცვის უწყება მოქალაქეებს კვლავ ვაქცინაციისკენ მოუწოდებს.
კოვიდტესტის რიგში რამდენიმე თვიანი პაუზის შემდეგ, დღეს ისევ ბევრი საეჭვო პაციენტი დგას.
ბოლო ერთი კვირის განმავლობაში, კოვიდსტატისტიკა გაორმაგდა და თუ წინა კვირას ინფიცირების მაჩვენებელი 500 იყო, ახლა 1058-ია. მიზეზად ომიკრონის ახალი ქვეშტამი სახელდება.
BA.5-ს კიდევ უფრო სწრაფი გავრცელება ახასიათებს. კორონავირუსის ამ ქვევარიანტისთვის არ აქვს მნიშვნელობა ადამიანი ვაქცინირებულია, თუ მას უკვე გადატანილი აქვს COVID-19.
სწორედ სწრაფად გავრცელებადი BA.5 ცირკულირებს ახლა ამერიკასა და ევროპაში, რის გამოც კორონავირუსის ახალ ტალღასაც აანონსებენ.
დღეის მდგომარეობით, კოვიდუსაფრთხოების რეგულაციები საქართველოში მოხსნილია, რჩება მხოლოდ რეკომენდაციები – სოციალური დისტანცია და აცრა.
მსგავსი სტატიები:
საქართველოში კორონავირუსის 5 450 ახალი შემთხვევა დაფიქსირდა, გარდაიცვალა 37
რეკომენდაცია კოვიდის შესახებ-ექიმი მარინა ტოტოჩავა
გურიაში კორონავირუსის 345 ახალი შემთხვევა დაფიქსირდა -12 ნოემბრის კოვიდსტატისტიკა
“ომიკრონი არის ჩვეულებრივი სეზონური ვირუსი თავისი კლინიკური მიმდინარეობით…“ – ინგა მამუჩიშვილი
ნიშნები, რომ შესაძლოა, კორონავირუსი უსიმპტომოდ გადაიტანე
გლუტათიონი-ერთ-ერთი დიდი მიზეზი კიბოს დამართების გზაზე…ერთ-ერთი დიდი მიზეზი იმუნიტეტის დამსხვრევის-ექიმი მარინა ტოტოჩავა
“„ომიკრონის” ახალი ქვეშტამი, რომელიც რამდენიმე ქვეყანაში დაფიქსირდა, “შეშფოთების საგანს არ წარმოადგენს”-გამყრელიძე
მსოფლიოში კორონავირუსის ახალი შტამი, XE გავრცელდა | რა ვიცით მის შესახებ