“ცხვარიჭამიაში კონფლიქტი უმნიშვნელო ნიადაგზე დაიწყო – ერთმანეთისთვის მხრის გაკვრის გამო”

ცხვარიჭამიაში, 20 წლის მირიან კუკავას მკვლელობის საქმეზე დაკავებულების მიმართ პროკურატურა აღკვეთის ღონისძიების სახით პატიმრობის გამოყენებას მოითხოვს:

„მსგავსი კატეგორიის სისხლის სამართლის საქმეებზე საქართველოს პროკურატურა უმკაცრეს პოლიტიკას ატარებს. მნიშვნელოვანია, რომ ყველა დამნაშავე პირი კანონის მთელი სიმკაცრით დაისაჯოს, ჩვენ ამისთვის ყველაფერს გავაკეთებთ. რაც შეეხება უშუალოდ ბრალდებულებს, მოგეხსენებათ, ერთი-ერთი არის მკვლელობაში ბრალდებული. ასევე შეუტყობინებლობისთვის, ცრუ ინფორმაციის მოწოდებისა და ხულიგნობის ფაქტზე ბრალდებულები არიან წარმოდგენილი და 8 ბრალდებულის მიმართ პროკურატურა აღკვეთის ღონისძიების სახით პატიმრობის გამოყენებას ითხოვს. ამ შემთხვევაში, სხვა ღონისძიებების გამოყენება ჩვენი მხრიდან სწორი არ იქნებოდა. ნებისმიერი ასეთი ქმედება უმკაცრეს რეაგირებას მოითხოვს“,- განაცხადა პროკურორმა.

რაც შეეხება საქმის დეტალებს, მისი განმარტებით, კონფლიქტი მხრის გაკვრით დაიწყო, რაც შემდგომ ფიზიკურ დაპირისპირებაში გადაიზარდა.

„კონფლიქტი უმნიშვნელო ნიადაგზე დაიწყო, ერთმანეთისთვის მხრის გაკვრის გამო, რამაც იქ არსებული ურნა წააქცია და ამის შემდეგ უკვე მხარეებს შორის დაპირისპირება დაიწყო. რაც შეეხება უშუალოდ კონფლიქტს, ყველა პირი, რომელიც გამოიკვეთა, რომ ხულიგნობაში მონაწილეობდა, პასუხისგებაშია მიცემული. იქ უამრავი ადამიანი იყო, მიუხედავად ამისა, არ გაითვალისწინეს ეს ყველაფერი და ჩხუბი, ლანძღვა-გინება დაიწყეს.

რაც შეეხება უშუალოდ მკვლელობაში ბრალდებულს, ისიც პასუხისგებაში არის მიცემული. კონფლიქტი დაიწყო გიორგი ხორავამ და შემდეგ სხვა პირებთან ერთად გაგრძელდა“, – განაცხადა პროკურორმა, დავით ყაზარაშვილმა.

გააზიარეთ და მოიწონეთ სტატია:

მსგავსი სტატიები:

“ბიძინამაც ხელები დაიბანა…”- ხუხაშვილი “მოლოდინი გვაქვს, რომ თვითმმართველობის არჩევნებზე შედეგებს გავაუმჯობესებთ” “არ დავაბრუნებ” – თეა წულუკიანმა “მთავარი არხის” ჟურნალისტს მიკროფონი წაართვა “კულტურის მინისტრი კულტურამდელი რეფლექსებით მოქმედებს,ჩვენ კი აცრაზე ვჩივით…ვის რად უნდა აცრა გამოქვაბულში…”-ლაშა ბუღაძე “ანტივაქსერებს ვაქცინა ძილის დროს გავუკეთოთ” | ფილიპინების პრეზიდენტის ინიციატივა გურული კალათების გამყიდველი როგორ გზავნიდნენ მესიჯებს ძველ მსოფლიოში-ჰიდრავლიკური ტელეგრაფი გაერო: “მარიუპოლში 100 000-ზე მეტი მშვიდობიანი მოქალაქე შიმშილის ზღვარზეა”