პუტინის ახალი დოქტრინა – რუსეთს შეუძლია სამხედრო ძალა მსოფლიო ოკეანეებში არსებული სიტუაციის შესაბამისად გამოიყენოს

რუსეთის პრეზიდენტმა ვლადიმერ პუტინმა ხელი მოაწერა ახალ სამხედრო-საზღვაო დოქტრინას, რომელშიც ამერიკის შეერთებული შტატები და ნატო რუსეთის ყველაზე დიდ საფრთხეებად სახელდება.

55-გვერდიან დოკუმენტს, კრემლის ლიდერმა ხელი საზღვაო ძალების დღეს მოაწერა.

მასში რუსეთის სამხედრო-საზღვაო ფლოტის ფართო სტრატეგიული მიზნებია ასახული, მათ შორის ოფიციალური მოსკოვის „დიდი საზღვაო ძალის“ ამბიცია, რომელიც მთელ მსოფლიოში ვრცელდება.

დოქტრინაში აღნიშნულია, რომ რუსეთისთვის მთავარი საფრთხე „მსოფლიო ოკეანეებზე დომინირების აშშ-ის სტრატეგიული პოლიტიკაა“, ისევე როგორც, რუსეთის საზღვრებთან ნატო-ს სამხედრო ალიანსის ახლო მოძრაობა.

ამასთან, დოკუმენტში ნათქვამია, რომ რუსეთს შეუძლია თავისი სამხედრო ძალა მსოფლიო ოკეანეებში არსებული სიტუაციის შესაბამისად გამოიყენოს, თუ სხვა რბილი ძალები, როგორიცაა დიპლომატიური და ეკონომიკური ინსტრუმენტები, ამოწურული იქნება.

გარდა ამისა, დოქტრინაში ხაზგასმულია, რომ დღევანდელი რუსეთი ძლიერი ფლოტის გარეშე ვერ იარსებებს და მოსკოვი მსოფლიო ოკეანეებში თავის ინტერესებს მტკიცედ დაიცავს.

გააზიარეთ და მოიწონეთ სტატია:

მსგავსი სტატიები:

“ივანიშვილი აფინანსებდა ტრამპს“-მიხეილ სააკაშვილი ძალოსანმა ანტონ პლესნოიმ ჩემპიონატზე 3 ოქროს მედალი მოიპოვა ეს მარტივი სქემაა – რა სქემა აქვს ივანიშვილს? – ნინო ბურჯანაძე “ოცნების” კოვიდ “მენეჯერებს”, როგორც მინიმუმ: მუხლი 342. სამსახურებრივი გულგრილობა” ჩინეთი კვლავ ინფიცირების მზარდ მაჩვენებელს ებრძვის რას იხსენებს 18 წლის შემდეგ ვანო მერაბიშვილი “რატომ არ უნდათ გოგოებს სოფელში გათხოვება?” – “ცომთან ერთად ტალახის ზელვა რავარია” – რას პასუხობენ კითხვას ქალბატონები? ”ან მოიცილებთ პუტინს, ან ჩაყვებით საფლავში! სხვა არჩევანი არ გაგაჩნიათ!.ახალი ეპოქა დაიწყო ….”