წარმოგიდგენიათ გარეთ რომ იყოს, რას იზამდა? – გუბაზ სანიკიძე მიხეილ სააკაშვილზე

ოპოზიციონერმა დეპუტატმა გუბაზ სანიკიძემ განაცხადა, რომ ექსპრეზიდენტი მიხეილ სააკაშვილი პუტინის პოლიტიკური პატიმარია.

„როდესაც პირადად შევხვდი მიხეილ სააკაშვილს და ჩვენი საუბარი 2 საათი გაგრძელდა, ყველაზე მეტი დრო წაიღო იმ ვითარებამ, რაც მსოფლიოში ხდება, ძალიან ცოტა ვისაუბრეთ ქართულ პოლიტიკაზე, მიზეზი ის კი არ იყო, რომ ან საკუთარ თავს ავუკრძალეთ ან ტაბუ დავადეთ, არა. უბრალოდ ისიც თვლის და მეც დიდი ხანია უკვე ვთვლი, რომ საქართველოს ბედ-იღბალი საქართველოში აღარ წყდება.

ყველა დარწმუნებულია, რომ მიხეილ სააკაშვილი არის პოლიტიკური პატიმარი, ის არის პუტინის პოლიტიკური პატიმარი და ამის აღმსრულებელი და „კლუჩნიკი“ არის ბიძინა ივანიშვილი. ამ ხელისუფლებამ ხომ რუსეთის გამარჯვებაზე გათვალა. ნახეთ ხომ მედვედევის განცხადება? როგორც ბიძინა ივანიშვილი დაინახავს საბოლოოდ გამარჯვება უკრაინის მხარეს გადადის, რა თქმა უნდა, შეცვლის მიმართულებას და არც იმას გამოვრიცხავ, ბიძინა ივანიშვილისთვის გარკვეულად შანსიც კი გახდეს მიხეილ სააკაშვილის თავისუფლება. ის ხომ ვაჭარი კაცია, სოვდაგარი კაცია.

ამიტომ ვთვლი, რომ მიშას ბედ-იღბალიც, ქვეყნის ბედ-იღბალიც, აბსოლუტურად დამოკიდებულია უკრაინის ბრძოლის ველზე. ომი შეიძლება დროში გაიწელოს, მაგრამ გარდატეხა უახლოეს კვირებში დადგეს. აიღებს უკრაინის ჯარი ხერსონს, მარტო აქ კი არა, პოსტსაბჭოთა სივრცეში შეიცვლება სიტუაცია. ყველა ელოდება უკრაინის კონტრიერიშს.

რაც შეეხება სააკაშვილს, ის თვლის, რომ მისი პოტენციალი და შესაძლებლობები, უფრო გამოადგება უკრაინას, არადა მიშას ენერგეტიკა, მიშას ნიჭი, ტალანტები, კომუნიკაციები, სანაცნობო… წარმოგიდგენიათ გარეთ რომ იყოს, რას იზამდა? როგორი მხარდაჭერა ექნებოდა უკრაინას და საქართველოს?!

დეპოლარიზაცია ვერ მოხერხდება, რაც არ უნდა მოინდომოს სალომე ზურაბიშვილმა, ბიძინა ივანიშვილმა, მიხეილ სააკაშვილის იგნორირება არ გაკეთდება. იმიტომ რომ 600 ათასი კაცი ქვეყნის შიგნით ჰყავს მომხრე და ერთი ამდენი ჰყავს საზღვარგარეთ“, – აცხადებს გუბაზ სანიკიძე „ტვ პირველის“ ეთერში.

გააზიარეთ და მოიწონეთ სტატია:

მსგავსი სტატიები:

ჰარვარდის უნივერსიტეტი 100 უფასო ონლაინ კურსს გთავაზობთ რა წერია წერილში, რომელიც გიორგი გახარიამ აშშ-ს პრეზიდენტს მისწერა გაიზრდება თუ არა მასწავლებლების ხელფასი სექტემბრიდან – განათლების სამინისტრო აქტუალურ კითხვას პასუხობს “მამაჩემს წერილზე ხელი არ მოუწერია…” – ზაურ კალანდიას შვილი რომელია საქართველოდან ექსპორტირებული ყველაზე პოპულარული ტოპ-10 ხილ-ბოსტნეული შესაძლებელია, ომიკრონი გარკვეულწილად პანდემიის დასასრულის მომასწავებელი იყოს – ჩხაიძე “გურიაში ნამდვილი ზამთარი თებერვალში იცოდა”-ზურა შევარდნაძე “მადლობა ღმერთს, რომ სულელურად ომში არ ჩავებით”