რა ფილმებს უყურებენ საახალწლოდ მსოფლიოს სხვადასხვა ქვეყნებში

სხვადასხვა ქვეყანაში ახალი წლის შეხვედრის საკუთარი ტრადიციები აქვთ, მაგრამ თითქმის თითოეულში, ისევე როგორც ჩვენთან, წლიდან-წლამდე ამოჩემებულ საახალწლო ფილმებს უყურებენ. საინტერესოა, რა გადის სხვა ქვეყნების ტელევიზიებში, მაშინ, როცა ქართულ ტელეეკრანებზე „კუჩხი ბედინერი“ უკვე მრავალი წელია შეუცვლელია. 

ჩვენ, სწორედ ასეთ ფილმებს მოვუყარეთ დღეს თავი:

„რეალური სიყვარული“ – დიდი ბრიტანეთი 

ეს ფილმი არა მხოლოდ დიდ ბრიტანეთში მსოფლიოშიც ძალიან უყვართ. ლამაზი, ემოციებით, სითბოთი და ძლიერი სამსახიობო შემადგენლობით სავსე ფილმი ნამდვილად რომ სადღესასწაულო განწყობას შეგიქმნით.

„ეს მშვენიერი ცხოვრება“ – აშშ

მთავარი ამერიკული საშობაო ფილმი, რომელის ყურებაც ეროვნულ ტრადიციად იქცა. ფრენკ კაპრამ ამ ფილმის გადაღებისთვის ოქროს გლობუსი მიიღო.

„90-ე დაბადების დღე ან ვახშამი ერთისთვის“ – გერმანია

ეს სავარაუდოდ, მსოფლიოში ყველაზე პოპულარული ტელეგადაცემაა. 1963 წელს, გერმანულმა არხმა – NDR პიესის -„ვახშამი ერთისთვის“ დადგმა ჩაწერა. შავ-თეთრი კომედიური ტელესპექტაკლი 1988-დან 1995-წლამდე ყველაზე პოპულარულ გადაცემად იქცა. ის ტელევიზიით 3300-ზე მეტჯერ აჩვენეს.

„სანტა გასაყიდად“ – ფინეთი

ეს არაორდინალური ფილმი კოლორიტული პერსონაჟებით, კეთილი იუმორით და დაუვიწყარი ატმოსფეროთი ფინეთში საახალწლოდ დიდი პოპულარობით სარგებლობს.

„სასწაული 34-ე ქუჩაზე“ – კანადა

კიდევ ერთი ძველი კინოჰიტი – ისტორია იმის შესახებ, რომ თითოეულ ჩვენგანში სანტა-კლაუსი ცოცხლობს, მაგრამ ვიღაცას ეს როლი გაცილებით მეტად უხდება. ჯორჯ სიტონის 1947 წლის ფილმის მიხედვით რამდენიმე ახალი კინოსურათიც გადაიღეს.

„შობა, რომელიც ლამის არ დადგა“ (Il Natale che quasi non fu) – იტალია

იტალიური კომედიური ფილმი, რომელსაც 1970-იანი წლებიდან რეგულარულად აჩვენებდნენ ტელევიზიით შობა-ახალ წელს და დღემდე იტალიელებში დიდი სიყვარულით სარგებლობს.

წყარო: etaloni.ge

გააზიარეთ და მოიწონეთ სტატია:

მსგავსი სტატიები:

ბოლო 24 საათში საქართველოში COVID-19-ით კიდევ 38 ადამიანი გარდაიცვალა შეჩერდეს ნამახვანჰესზე გარემოდაცვითი გადაწყვეტილების მოქმედება – საია და „მწვანე ალტერნატივა“ სასამართლოს მიმართავენ რა ქონებას ფლობს იუსტიციის მინისტრი გოჩა ლორთქიფანიძე 10 რჩევა ლუიზა ჰეისგან – როგორ შეიყვარო თავი ირაკლი ღარიბაშვილი და მთავრობის სხვა წევრები ოზურგეთის თეატრის გახსნას დაესწრნენ “თუ კარგს არ იტყვი, არავინ გალანძღო და მითუმეტეს ამ ფერხულში სხვებიც არ ჩააბა, თორემ შენც იგივე ფაქტის წინაშე აღმოჩნდები…” რა წერია სინოდის განჩინებაში ვაქცინაციის შესახებ დღეიდან საქართველო „წითელი“ ქვეყნების სიაში შევიდა – ვინ ვეღარ გაემგზავრება ისრაელში