ვგლოვობ სიცოცხლის ტრაგიკულ დანაკარგს – პრეზიდენტი ჩაპლინოზე რუსეთის არმიის იერიშს ეხმაურება

საქართველოს პრეზიდენტი სალომე ზურაბიშვილი უკრაინის დნეპროპეტროვსკის ოლქის სარკინიგზო სადგურ ჩაპლინოზე რუსეთის არმიის იერიშს ეხმაურება და უკრაინელ ხალხს მხარდაჭერას კიდევ ერთხელ უცხადებს.

“შოკირებული და დამწუხრებული ვარ ჩაპლინოს მატარებლის სადგურზე რუსეთის მიერ განხორციელებული იერიშის გამო. საშინელი თავდასხმა, ძალადობის ბარბაროსული გამოვლინება მშვიდობიანი მოსახლეობის წინააღმდეგ, უკრაინის დამოუკიდებლობის დღეს. ვგლოვობ სიცოცხლის ტრაგიკულ დანაკარგს. საქართველო უკრაინელი ერის გვერდით დგას”, – წერს ზურაბიშვილი ტვიტერზე.

რუსეთის თავდაცვის სამინისტრომ დაადასტურა უკრაინაში, დნეპროპეტროვსკის ოლქის სარკინიგზო სადგურ ჩაპლინოზე 24 აგვისტოს განხორციელებული თავდასხმა და ამავდროულად ირწმუნება, რომ სამხედრო ეშელონი გაანადგურეს.

რუსეთის თავდაცვის უწყების მტკიცებით, “დაიღუპა 200-ზე მეტი უკრაინელი სამხედრო და განადგურდა 10 ერთეული ტანკი. თავდასხმა “ისკანდერის” ტიპის რაკეტით განხორციელდა.

უკრაინის ხელისუფლებამ აფეთქებული ვაგონების ფოტოები გამოაქვეყნა და განაცხადა, რომ დაიღუპა 25 მშვიდობიანი მოქალაქე, მათ შორის 11 და 6 წლის ორი ბავშვი.

სამხედრო მოსამსახურეთა შორის არსებულ მსხვერპლზე კიევი არ საუბრობს.

გააზიარეთ და მოიწონეთ სტატია:

მსგავსი სტატიები:

არ შეიძლება საქართველოს მომავალი იყოს საჩხერე და ჭორვილა, როდესაც მას აქვს ბათუმი- სააკაშვილი განათლების სამინისტრო განცხადებას ავრცელებს “ივანიშვილის ჯოგი იშლება“ – სააკაშვილი პროტესტის ფორმით დაწერეთ, დახატეთ, მერე ჩვენ ბიძინას წავუღებთ და სახლთან გავუკრავთ – ახალი ინიციატივა მე-12 დაწესებულებაში სპეცრაზმის დამატებითი ძალები შეყავთ დამალული დასკვნა – გეჯაძემ დოკუმენტს ხელი 30 დეკემბერს მოაწერა, მაგრამ დამქირავებელს არ შეატყობინა “3 წლის განმავლობაში არჩევნები არ იქნება…ჩვენი მთავარი ამოცანა სიღარიბის შემცირება და სამუშაო ადგილების შექმნაა” – ღარიბაშვილი ”არახამიას სამშობლო არ აქვს, არც ქართული იცის და არც უკრაინული. გველაპარაკება რუსულად”