“ჩვენ, პოლიტიკური ოპოზიცია სწორი ცხოვრებით ვცხოვრობთ”

„სტრატეგია აღმაშენებლის“ ლიდერმა, გიორგი ვაშაძემ პარტიის ოფისში გამართულ ბრიფინგზე „ტვ პირველის“ ეთერში გასულ სიუჟეტს გამოეხმაურა, რომელიც სუს-ის მხრიდან პოლიტიკური ოპონენტების წინააღმდეგ განხორციელებულ ფარულ მიყურადებასა და შანტაჟს ეხებოდა:

„ჩვენ დაგეხმარებით, რომ ის დამნაშავეები, სუს-ის თუ სხვადასხვა უწყების მაღალჩინოსნები, რომლებმაც დაგაშინეს, თქვენ წინააღმდეგ მართლსაწინააღმდეგო ქმედება ინტრიგის და შანტაჟით ჩაიდინეს, ყველას ერთად ვაზღვევინოთ პასუხი.

მე მსხვერპლი არ ვარ, ჩემზეც იყო ბევრი რამ, მაგრამ ერთი რამ გამოჩნდა, რომ ჩვენ, პოლიტიკური ოპოზიცია სწორი ცხოვრებით ვცხოვრობთ, კეთილსინდისიერად ვცხოვრობთ და მათმა თვალთვალმა ვერ გამოავლინა უკეთური ჩვენში. ამან დაამტკიცა, რომ ჩვენ მხარეს არის სიმართლე.

ჩვენ ვნახეთ, რომ „ქართული ოცნების“ „კაგებე“აფუჭებს ახალგაზრდა ადამიანებს, ვნახეთ როგორ „ავერბოვკებს“, აშინებს და სხვადასხვა შანტაჟით ახდენს მათ ჩანერგვას პოლიტიკურ ოპოზიციასა და ოპონენტებში. ქვეყანაში, სადაც მოსახლეობის 90% ყოველდღიურად საჭმელს ვერ ყიდულობს. ქვეყანაში, საიდანაც გარბიან ემიგრაციაში ჩვენი თანამოქალაქეები, რადგან ლუკმაპურს ვერ შოულობენ აქ, საქართველოში. სახელმწიფო ბიუჯეტიდან ათეულობით მილიონი იხარჯება კანონსაწინააღმდეგო, მართლსაწინააღმდეგო ქმედებაზე – კონტროლზე, ადამიანების გაფუჭებაზე და მათ მთელ ცხოვრებას უსპობენ ეს ვერაგი დამნაშავეები, სახელმწიფოს მტრები, რომლებიც მოკალათებული არიან დღეს სხვადასხვა თანამდებობაზე“, – განაცხადა ვაშაძემ.

ცნობისთვის, გუშინ, 17 სექტემბერს „ტვ პირველის“ ეთერში გავიდა სიუჟეტი, რომელიც ეხებოდა პოლიტიკურ ოპონენტებთან და ოპოზიციასთან მიმართებით სუს-ის მხრიდან განხორციელებულ თვალთვალისა და მიყურადების ფაქტებს.

გააზიარეთ და მოიწონეთ სტატია:

მსგავსი სტატიები:

“ვინც თქვენს გულს არ უფრთხილდება, თქვენ არ გიმსახურებთ” დარღვევები თბილისის მერიაში – აუდიტმა სკანდალური დასკვნა გამოაქვეყნა სააკაშვილის მხარდამჭერი წარწერების გამო ლანჩხუთში სამოქალაქო აქტივისტს უცნობები ოჯახში მიუვარდნენ და ცოლს ცემეს ბათუმში მომხდარი ტრაგედიის დროს დაღუპულებს დღეს დაკრძალავენ სანაია ტიკარაძეს: მალე გამოგყვება ტრი-ტრი, შენ არ იდარდო პნევმატური იარაღის ბრუნვასთან დაკავშირებული წესები მკაცრდება ბულთის თამაში კოკათში აღდგომა დღეს ბიზნესმენ ლევან კაჭარავას მკვლელობის შესახებ ახალი ვერსია გახდა ცნობილი