რამდენიმე სახეობის პურის ფასი იცვლება

დღეიდან რამდენიმე სახეობის პური გაიაფდება. ამ ინიციატივით რამდენიმე კომპანია გამოვიდა.

პურის მცხობელთა ასოციაციის ხელმძღვანელი, მალხაზ დოლიძე „პრაიმტაიმთან“ იმ გარემოებებზე საუბრობს, რის გამოც პურის გაიაფება მოხდა.

„ეს გამოწვეული ფქვილის და ხორბლის ფასების დაბლა სვლით. წისქვილები ამუშავდა და ფქვილის ფასიც წამოვიდა დაბლა. ამას ასევე ხელს უწყობს ქვეყანაში შემოსული ფქვილიც. ამ გარემოებამ ზოგიერთ კომპანიას მისცა საშუალება, ბაზარზე სხვებისთვის კონკურენცია გაეწია და პურისთვის ფასი შეემცირებინა. რაც შეეხება რაიონებს, იქ ბუნებრივად უკვე დაკლებუილია პურის ფასი, რადგან ბუნებრივ აირზე ფასი უფრო დაბალია.

პურის ფასწარმოქმნა ზოგადად აღარ არის სახელმწიფოს პრეროგატივა, პური არის კერძო კომპანიების და ყველა კომპანია ცდილობს მეტი რეალიზაცია ჰქონდეს. ეს ისეთი პროცესია, რომ სხვა კომპანიასაც მოუნდება ბაზარზე შესვლა და შესაბამისად, იძულებული გახდება მანაც დაუწიოს ფასს.

ზოგადად, პურზე ფასის ასეთი ხშირი ცვლა არასერიოზულია. სერიოზულ ქვეყნებში ასეთი რამ ხშირად არ ხდება. პურზე უნდა იყოს გარკვეული ფასი, რაც საშუალო ფასთან მიახლოებულია, მე ასე მიმაჩნია“,-  განაცხადა მალხაზ დოლიძემ.

ცნობისთვის,  „იფქლი დიღომი“ ოთხი სახეობის პურზე ფასს 10 თეთრით შეამცირებს. ამავე ოდენობით გააიაფებს პურს ქარხანა „თემქა პურიც“.

გააზიარეთ და მოიწონეთ სტატია:

მსგავსი სტატიები:

ოზურგეთის საოლქო საარჩევნო კომისიის წევრს კორონავირუსი დაუდასტურდა _ რა ხდება ამ დროისთვის ოლქში 300 000 სამუშაო ადგილი – როგორი ანაზღაურებაა გერმანიაში? როგორია გურიაში კოვიდინფიცირების მაჩვენებელი “სახლში ხილი ფეირით ვრეცხე,წარმოიდგინეთ, რასაც ვერ ვხედავთ, რას სჩადიან”-ქეთევან კიკნაძე საქსტატი: შრომისუნარიანი მამაკაცის საარსებო მინიმუმი 216.3 ლარამდე შემცირდა “მეხუთე ტალღა დაწყებულია” – ამირან გამყრელიძის თქმით ეპიდსიტუაცია უარესდება კორონავირუსს ჩოხატაურელი მასწავლებელი ემსხვერპლა “მარიუპოლში, თვეზე მეტია, ბავშვებს მზე არ უნახავთ – გადაარჩინეთ ბავშვები!” – სტეფანჩუკი მსოფლიოს მიმართავს