“არანაირი გამოსვლები არ იქნება, რადგან გამოსვლებს აწყობს ხალხი და არა პოლიტიკური პარტიები”-გოგა ხაინდრავა

არანაირი გამოსვლები არ იქნება, რადგან გამოსვლებს აწყობს ხალხი და არა პოლიტიკური პარტიები, – ამის შესახებ რეჟისორმა გოგა ხაინდრავამ გადაცემაში „იმედი LIVE“ რადიკალური ოპოზიციის მიერ დაანონსებულ საპროტესტო აქციების გამართვაზე საუბრისას განაცხადა.

მისივე თქმით, შემოდგომაზე საპროტესტო გამოსვლების გამართვის გეგმა არსებობდა, თუმცა იგი ჩავარდა.

„ეს გეგმა არსებობდა და ჩავარდა. სექტემბრის ბოლოა, ოქტომბერი და მერე ზამთარი იწყება. არანაირი გამოსვლები არ იქნება, რადგან გამოსვლებს აწყობს ხალხი და არა პოლიტიკური პარტიები. პოლიტიკურ პარტიები, თუ მაგის ნიჭი და უნარი შესწევდეთ და ორგანიზაციული შესაძლებლობები, ამ პროტესტის სათავეში ექცევიან და პროტესტს მიმართავენ იმ მიმართულებით, რაც იმ პოლიტიკურ ვითარებას სჭირდება. საზოგადოებაში არანაირი პროტესტი არ არის. ჩემი 30-წლიანი გამოცდილებიდან მინდა გითხრათ, ხელოვნურად ამას ვერ გამოიწვევ. ეს ხალხში უნდა დაიბადოს და თუ შენ ნიჭიერი პოლიტიკოსი ხარ, შენ ამას იგრძნობ და ამ პროტესტს იმ გზაზე წაიყვან, რომელიც შენთვის იქნება საინტერესო“, – განაცხადა გოგა ხაინდრავამ.

მისივე თქმით, ქართულ საზოგადოებას აღარ უნდა პროტესტები, ქუჩა და ერთმანეთთან დაპირისპირება, არამედ დინამიკური განვითარება.

„ჩვენ ვხედავთ, რომ ქვეყანა წინ მიდის. თუნდაც, რეგიონში აბსოლუტურად უპრეცედენტო ეკონომიკური ზრდა აქვს. შესაძლოა, ამას ჯიბეზე ქართული საზოგადოება ვერ გრძნობს, მაგრამ პერსპექტივას ხედავს“, – განაცხადა გოგა ხაინდრავამ.

გააზიარეთ და მოიწონეთ სტატია:

მსგავსი სტატიები:

IRI: არჩევნებმა ვერ დააკმაყოფილა საკონსტიტუციო ცვლილებებით დაწესებული ახალი სტანდარტები ანდრიუს კუბილიუსი შარლ მიშელს მიმართავს, საქართველოს მსგავსად, ბელარუსის კრიზისის გადაჭრაშიც მიიღოს მონაწილეობა “ოპოზიცია არჩევნებს უნდა დაელოდოს სადაც მოსახლეობა მათ “წერტილს დაუსვამს” განსაკუთრებულ დავალებათა დეპარტამენტის ბაზაზე, სავარაუდოდ, მობილიზაციაა გამოცხადებული “წინ მეორე ტურია, კიდევ უფრო დაძაბული და გადამწყვეტი”- კოტე შარაშენიძე „მიშამ გააქარწყლა პროკურატურის ბრალდება“ – გიული ალასანია „პიჯაკების საქმის“ სასამართლოზე “არ ვართ ვალდებულები, დასავლელი პარტნიორების ასი მოსაზრებიდან ასივეს დავეთანხმოთ” – მდინარაძე მარიუპოლში ოკუპანტები კვალს გადასატანი კრემატორიუმებით ფარავენ – ქალაქის საბჭო