მარიუპოლის საბჭოს ინფორმაციით, რუსი ოკუპანტები ქალაქში კვალს გადასატანი კრემატორიუმებით ფარავენ. ინფორმაციას საბჭო ტელეგრამზე ავრცელებს.
“მკვლელები კვალს ფარავენ. მარიუპოლში რუსული გადასატანი კრემატორიები ფუნქციონირებს. ბუჩაში გენოციდის ფართო საერთაშორისო საჯარო გახმაურების შემდეგ, რუსეთის ფედერაციის უმაღლესმა ხელმძღვანელობამ ბრძანა, გაენადგურებინათ მარიუპოლში მისი არმიის დანაშაულის მტკიცებულება”. – წერია განცხადებაში.
რუსი ოკუპანტები უკრაინაში მშვიდობიან მოქალაქეებს ხოცავენ – მას შემდეგ, რაც უკრაინელებმა ბუჩა დაიბრუნეს, ოკუპანტებისგან გათავისუფლებულ სოფელში 300-ზე მეტი მშვიდობიანი მოქალაქე მოკლული იპოვეს. რუსეთის თავდაცვის სამინისტრო ბრალდებებს უარყოფს და ამ ყველაფერს უკრაინის “უკანასკნელ პროვოკაციას” უწოდებს.
გოსტომელის სამხედრო ადმინისტრაციის ხელმძღვანელის თქმით კი ქალაქში, სულ მცირე, 400 ადამიანია დაკარგული. მისივე ინფორმაციით, ოკუპანტები თავიანთი სისასტიკის კვალს ასუფთავებდნენ.
რუსეთმა უკრაინაზე სრულმასშტაბიანი თავდასხმა 24 თებერვალს გამთენიისას, ერთდროულად რამდენიმე დიდი ქალაქის, მათ შორის, კიევის დაბომბვით დაიწყო. პუტინის მიერ უკრაინისთვის ომის გამოცხადებას წინ უძღოდა დონეცკისა და ლუგანსკის თვითგამოცხადებული რესპუბლიკების მარიონეტული რეჟიმების ფორმალური თხოვნა კრემლისადმი, დახმარებოდნენ “უკრაინული აგრესიის” მოგერიებაში.
რუსეთის სამხედრო ძალები უკრაინას სხვადასხვა მიმართულებით უტევენ. პარალელურად, მსოფლიოს ქვეყნები რუსეთს სხვადასხვა სახის სანქციას უწესებენ.
მსგავსი სტატიები:
როცა ენმ-ს დაბრუნების შანსი ნულთან ახლოს იქნება – პოლიტიკიდან წავალ- წულუკიანი
საქართველოში მხოლოდ ჯანმოს მიერ ავტორიზებული ვაქცინა შემოვა – გახარია
“ერის სამსახური პრივილეგიაა, რომელიც უნდა დაიმსახურო” – ლანჩხუთის მერი “ოცნებას” მადლობას უხდის
კორონავირუსის გადატანის შემდეგ, ადამიანს მწვანე სტატუსი მუდმივად ექნება
“ეს იქნება კატასტროფა” – ექიმი მიხეილ სააკაშვილის მკურნალობის შესაძლო შეწყვეტაზე
“ის დაქირავებული რეჟისორი გახდა” -, რას წერდა აკაკი ბაქრაძე რობერტ სტურუაზე
გაძვირებული ცხოვრება და ტარიფები – დენის გაზრდილ გადასახადებს სემეკი შეისწავლის
ღარიბაშვილმა საწვავის ფასების გამო გამართული აქციების უკანაც “ნაციონალური მოძრაობა” დაინახა