უკრაინის პირველი ლედი, ოლენა ზელენსკა აცხადებს, რომ უკრაინა ზამთარს გაუძლებს რუსული რაკეტებით გამოწვეული უშუქობისა და სიცივის მიუხედავად და გააგრძელებს ბრძოლას, რადგან გამარჯვების გარეშე მშვიდობა შეუძლებელია.
”მზად ვართ, გავუძლოთ ამას. იმდენი საშინელი გამოწვევა გვქონდა, იმდენი მსხვერპლი, ნგრევა ვნახეთ, რომ უშუქობა არ არის ყველაზე უარესი რამ, რაც ჩვენს თავს ხდება“, – აღნიშნა უკრაინის პირველმა ლედიმ.
მან ისაუბრა გამოკითხვაზე, რომლის შედეგების თანახმად, უკრაინელების 90%-მა განაცხადა, რომ მზად არის იცხოვროს ელექტროენერგიის დეფიციტის პირობებში ორი-სამი წლის განმავლობაში, თუ დაინახავენ ევროკავშირში გაწევრიანების პერსპექტივას.
„იცით, ადვილია მარათონზე სირბილი, როცა იცი რამდენი კილომეტრია“, – აცხადებს ელენა ზელენსკა, თუმცა, მისი თქმით, ამ შემთხვევაში, უკრაინელებმა არ იციან რა მანძილი უნდა გაირბინონ. ”ზოგჯერ შეიძლება ძალიან რთული იყოს, მაგრამ არის ახალი ემოციები, რომელიც გვეხმარება“, – აღნიშნა უკრაინის პირველმა ლედიმ.
ელენა ზელენსკამ საკუთარ ოჯახზეც ისაუბრა და განაცხადა, რომ ძალიან იშვიათად ხედავენ ერთმანეთს.
„მე ჩემი შვილებისგან მოშორებით ვცხოვრობ, ჩემი მეუღლე – სამსახურში ცხოვრობს. როდესაც შეხვედრის ძალიან მოკლე მომენტები გვაქვს, ეს ბავშვებისთვის საკმარისი არ არის. ჩვენ ეს ალბათ ყველაზე მეტად გვენატრება. ჩვენ უბრალო რაღაცეები გვენატრება. გვენატრება, რომ დავსხდეთ და ვისაუბროთ იმდენხანს, რამდენხანსაც გვინდა. ვისაუბროთ ყველაფერზე, უმნიშვნელოსა და მნიშვნელოვანზე, რაც ოჯახში ხდება“, – აღნიშნა ზელენსკამ.
მსგავსი სტატიები:
პომპეო საქართველოს მოუწოდებს დემოკრატიული რეფორმების კუთხით პროგრესის მიღწევისკენ- სახელმწიფო დეპარტამენტი
გადათვლა ისე ვეღარ უშველის ამ საკითხს, როგორც მიცვალებულს რეანიმაცია – ნათელაშილი
“ჩამოყალიბდით მეგობრებო-ან თავიც ევროპაში შეყავით, ან ერთი ადგილი რუსულ ყინულზე მოისრიალეთ…”
მარტივი პოლიტიკური აქსიომები
“როგორც ვატყობ ოცნებას რევოლუციამდე მიჰყავს ეს ქვეყანა!” – ნინია კაკაბაძე
“გიგი 2008 წლის ომის გმირია, დარწმუნებული ვარ, ძალიან სწრაფად გათავისუფლდება… გერმანიის სასამართლო მურუსიძის კანტორა არავის ეგონოს” -სააკაშვილი გიგი კალანდაძეზე
“ყოჩაღ!”- რუსეთი მიესალმება საქართველოს პოზიციას, არ შეუერთდეს მისთვის დაწესებულ სანქციებს
პუტინი: კიევმა “აზოვსტალის” მცველებს იარაღის დაყრა უნდა უბრძანოს