აშშ-ის სახელმწიფო მდივნის, ენტონი ბლინკენის განცხადებით, პუტინმა მთელი თავისი „რისხვა და ცეცხლი“ უკრაინის მოქალაქეებისკენ მიმართა, თუმცა რუსეთის ახლანდელი სტრატეგია მიზანს მაინც ვერ მიაღწევს.
„გათბობა, წყალი, ელექტროენერგია… პრეზიდენტ პუტინის ახალი სამიზნეებია და ძალიან ძლიერად ურტყამს მათ,“ – თქვა ბლინკენმა ბუქარესტში NATO-ს ორდღიანი სამიტის შემდეგ გამართულ პრესკონფერენციაზე.
მისი თქმით, პუტინი ცდილობს, კიევს მოკავშირეები ჩამოაშოროს და აიძულოს დასავლეთი, უკრაინა შიმშილისა და ყინვისთვის გაწიროს.
„ეს სტრატეგია არ მუშაობს და არც იმუშავებს. ჩვენ დავამტკიცებთ, რომ რუსეთი ცდება. სწორედ ამას ვისმენდი ხმამაღლა და ცხადად თითოეული ქვეყნისგან ბუქარესტში,“ – დასძინა ბლინკენმა.
სახელმწიფო მდივნის განცხაებით, NATO-ს მინისტერიალის მთავარი გზავნილი ასეთი იყო: „ჩვენი საერთო ძალისხმევა უკრაინის მხარდასაჭერად ურყევად გაგრძელდება. ახლა, ამ ზამთრის განმავლობაშიც და იმდენ ხანს, რამდენიც უკრაინას მიზნის მისაღწევად დასჭირდება“.
შეერთებულმა შტატებმა სამშაბათს უკრაინისთვის $53-მილიონიანი დახმარების შესახებაც გამოაცხადა. თანხა განკუთვნილია უკრაინის ელექტროქსელისთვის საჭირო აღჭურვილობის შესაძენად.
მსგავსი სტატიები:
2008 წლის ტრაგედია სააკაშვილის და მისი გუნდის დამსახურებაა- სუბარი
“უნდა გვახსოვდეს: გიორგი რურუა პოლიტპატიმარია!”-ნიკა გვარამია
“გუშინ ადიდებდნენ, დღეს ლანძღავენ… მეცნო”
“თუ არ დანიშნავენ ახალ არჩევნებს,ივანიშვილი მიიღებს იმ ნანატრ სანქციებს, რაზეც ჩვენ დიდი ხანია ვაფრთხილებთ”
“და ვიღაცას ჰგონია, რომ ესენი რამეს გამკეთებლები არიან”? – რამ გაახსენა 1900-იანი წლები ირაკლი მახარაძეს?
“არ დაიჯეროთ, რომ ბევრი არიან! არ დაუთმოთ ამათ ეს ქვეყანა”
პანიკა ოცნებაში და სპეცოპერაცია, რომელიც შიშის სახელით ჩატარდა – კონტრტერორისტული ცენტრის ყოფილმა შეფმა სასამართლო დარბაზში საქართველოს ხელისუფლება ამხილა
ვლადიმერ პუტინსა და სერგეი შოიგუს შორის მზარდი დაძაბულობაა – New York Times