ადამიანს არ მოსწონს ციხეში ჯდომა – მესმის, არ უნდა ჩაიდინო ისეთი რამე, რომ მერე ციხეში ჯდომა გაგიჭირდეს. მიხედოს თავის თავს, თავის ჯანმრთელობას და ფსიქიკას, მიირთვას და გახდეს ცოტა უკეთ – 14 დაავადებიდან არც ერთია ისეთი, რომელიც სასჯელის მოხდის გადავადების საფუძველია, – ამის შესახებ საპარლამენტო უმრავლესობის წევრმა ბექა დავითულიანმა განაცხადა.
კითხვაზე, თუ ყველაფრის განკურნება შესაძლებელია საქართველოში, რატომ უარესდება მისი მდგომარეობა, დავითულიანი აცხადებს, რომ “არ ვიცით მძიმდება თუ არ მძიმდება, ეს არავინ იცის”.
“ინფორმაცია, რა სჭირს მიხეილ სააკაშვილს ისეთი მძიმე, რომ აუცილებელია მისი სასჯელის გადავადება, არათუ მე, მის ოჯახის წევრებსაც არ გააჩნია. ვერც ერთ მძიმე დაავადებას ვერ ასახელებენ და მე საიდან უნდა გამაჩნდეს ასეთი ინფორმაცია. რა ვიცი, ადამიანი ზის და არ მოსწონს ციხეში ჯდომა – მესმის, არ უნდა ჩაიდინო ისეთი რამე, რომ მერე ციხეში ჯდომა გაგიჭირდეს. რა ვქნა, მიხედოს თავის თავს, თავის ჯანმრთელობას და ფსიქიკას, მიირთვას და გახდეს ცოტა უკეთ.
რა სჭირს ისეთი, რასაც არ ეშველება ამ ქვეყანაში? მეც შემიძლია გავიუარესო ჩემი ჯანმრთელობა, ვიშიმშილო 300 დღე ჩემს ოთახში, საერთოდ არ მოვხვდე ჩაკეტილ სივრცეში ისე. რა დაავადება სჭირს ადამიანს ისეთი, რომელსაც საქართველოს კლინიკები და ქართველი ექიმები ვერ უშველიან, მე ასეთი ინფორმაცია არ გამიგია არავისგან”, – განაცხადა დავითულიანმა.
ჟურნალისტებმა მას შეახსენეს მიხეილ სააკაშვილის ბოლო დღეებში გავრცელებული ფოტოებიც, რომელიც აგვისტოს ბოლოს არის გადაღებული და მისი დაავადების სიმძიმეზე ჰკითხეს.
“რომელი ფოტოები? – გამხდარი რომ არის? რა სჭირს? დაავადებას სახელი ხომ გააჩნია, რის გამოც ხდება სასჯელის გადავადება. 14 დიაგნოზიდან რომელია მძიმე? არც ერთი ისეთი დაავადება არ წერია იმ 14 დაავადებაში, რომელიც საფუძველია სასჯელის მოხდის გადავადების,”- განაცხადა დავითულიანმა.
მსგავსი სტატიები:
“ნებისმიერი მცდელობა ოპოზიციის დამუნათებისა, არის პოლიტიკურად გაუმართლებელი საქციელი”
კამალა ჰარისი აშშ-ს პირველი ქალი ვიცეპრეზიდენტი იქნება
საბრალო ჩემო ქვეყანა, ვის ხელში ხარ ჩავარდნილი- სააკაშვილი
ხელისუფლებამ თბილისის შემოსავლელი გზები ჩაკეტა, მიზეზად მეტეოროლოგიური პირობები სახელდება
“რადიკალურმა “ნაციონალურმა მოძრაობამ” დამარცხება აღიარა” – “ქართული ოცნება”
წინასწარი ინფორმაციით ყველაზე “ცხელი” ლაშეს მაჟორიტარული ოლქი იქნება
“როცა შესაძლებლობის ერთ კარს გიხურავენ, მეორე უნდა გააღო…წიხლით უნდა შეანგრიო…არდაშლა (ჩვენი) და მოშლა (ოცნების)”-ნიკა გვარამია
“ხედავთ ყაზახეთში გაზის გაძვირებამ რა გამოიწვია? თქვენ ხან იშიმშილეთ,მოშიებამდე,ხან ე. წ. პრეზიდენტთან იარეთ” – მაია ბაჩანაშვილი