საქართველოში მდებარე 2 სკოლაში თითო-თითო მოსწავლე ირიცხება. დაბალ და მაღალკონტიგენტიანი სკოლების შესახებ ინფორმაცია „ინტერპრესნიუსმა“ განათლების მართვის საინფორმაციო სისტემიდან გამოითხოვა.
ოფიციალური ინფორმაციით, ეს სკოლები დუშეთისა და კასპის მუნიციპალიტეტში მდებარეობს.
კერძოდ, დუშეთის მუნიციპალიტეტის სოფელ ჩარგლის საჯარო სკოლაში ერთ მოსწავლეს 7 მასწავლებელი ასწავლის, კასპის მუნიციპალიტეტის სოფელ გუდალეთის საჯარო სკოლაში მყოფ ერთ მოსწავლეს კი 4 მასწავლებელი.
ამასთან, განათლების მართვის საინფორმაციო სისტემის მიერ მოწოდებული ინფორმაციის მიხედვით, საქართველოში მდებარე კიდევ 4 სკოლაში 2-2 მოსწავლე ირიცხება; 9 სკოლაში 3-3 მოსწავლე; 6 სკოლაში 4-4, 8 სკოლაში კი 5-5 მოსწავლე. ამ სკოლებში საშუალოდ 3-დან 13-მდე მასწავლებელი ასწავლის.
საქართველოში სულ 288 სკოლაა, სადაც 1-იდან 30 მოსწავლემდე სწავლობს.
რაც შეეხება რიცხოვნობით ყველაზე დიდ სკოლებს, ოფიციალური ინფორმაციით, ყველაზე მეტი 2664 მოსწავლე თბილისის პირველ ექსპერიმენტულ საჯარო სკოლაში ირიცხება. შემდეგ 2633 მოსწავლით თბილისის #175-ე საჯარო სკოლა მოდის, მესამე ადგილზე კი 2548 მოსწავლით #161-ე საჯარო სკოლაა.
რიცხოვნობით პირველ ათეულში გარდა თბილისში მდებარე საჯარო სკოლებისა, ბათუმის #6 ფიზიკა მათემატიკის და #8 საჯარო სკოლები და ქუთაისის აკაკი წერეთლის სახელობის #1 საჯარო სკოლაც შევიდა.
ცნობისთვის, საქართველოში სულ 2085 სკოლაა, სადაც პირველიდან მეთორმეტე კლასის ჩათვლით 632 726 მოსწავლე ირიცხება.
მსგავსი სტატიები:
“პატარა არავინ არ არის“ – ვოლსკის პასუხი ივანიშვილის ფრაზაზე “არ დამირეკოთ”
„რუსეთი არის ჩვენი ეკონომიკის ძირითადი შემოსავალი”-გიორგი ქობულია
სოფლის პროგრამის ფარგლებში ფამფალეთში ცენტრი კეთილმოეწყობა
როდის შემოვა Pfizer-ის მილიონი დოზა ტიკარაძემ ისევ არ იცის
“ხაინდრავა, შენი დასჯილი არ გაიშვას, შენ ფარჩაკო”
“მსოფლიოში მცხოვრები ყველა პატრიოტი ქართველი უნდა გაერთიანდეს ახლა საქართველოს გადასარჩენად”
META: ბელარუსის KGB-მ მიგრანტების კრიზისის გამწვავებისთვის სოცმედიაში ყალბი ანგარიშები შექმნა
”ბულბულთა გალობის დარი” – რას წერდა 1901 წელს ჟურნალისტი კონსტანტინე გვარამაძე გურულ სიმღერაზე