ლიეტუვის სეიმმა საქართველოს მხარდამჭერი რეზოლუცია მიიღო. სეიმი ადასტურებს საქართველოს ევროინტეგრაციის მხარდაჭერას, თუმცა მოუწოდებს ხელისუფლებას, თავი შეიკავოს ისეთი ინიციატივებისგან, რომელიც ზიანს აყენებს საქართველოს ნატოსა და ევროკავშირში გაწევრიანებას.
რეზოლუციას მხარი ყველა დამსწრე დეპუტატმა დაუჭირა.
“ხელისუფლებამ თავი შეიკავოს ნებისმიერი საკამათო საკანონმდებლო თუ სხვა ინიციატივებისგან, რომლებიც ზღუდავენ ადამიანის უფლებებს და გამოხატვის თავის უფლებას, ზღუდავენ სამოქალაქო საზოგადოების აქტივობებს და ზიანს აყენებენ საქართველოს გაწევრიანებას ნატოსა და ევროკავშირში”,- ნათქვამია რეზოლუციაში.
რეზოლუციაში არის მოწოდება ევროატლანტიკური ინტეგრაციის გზიდან არგადახვევის შესახებ. სეიმი, ასევე, იხსენებს „უცხოეთის აგენტების“ რუსული კანონპროექტის მიღების მცდელობას.
ლიეტუვის სეიმი ყურადღებას ამახვილებს „მთავარი არხის“ დირექტორის, ნიკა გვარამიას დაპატიმრებაზე და მიიჩნევს, რომ ეს სერიოზულ კითხვებს ბადებს სამართლებრივი დამოუკიდებლობის შესახებ.
სეიმი მოუწოდებს ხელისუფლებას, დაუყოვნებლივ დაიწყოს პროცედურები მიხეილ სააკაშვილის უკრაინაში, ევროკავშირის ქვეყანაში ან აშშ-ში გადაყვანისთვის, რათა ყოფილმა პრეზიდენტმა შესაბამისი სამედიცინო მომსახურება მიიღოს.
სეიმი, ასევე, მოუწოდებს ხელისუფლებას, შეუერთდეს დასავლეთის მიერ რუსეთისთვისა და ბელარუსისთვის დაწესებულ სანქციებს და მხარი დაუჭიროს უკრაინას.
სეიმი პოლიტიკურ პარტიებს მოუწოდებს, დაუბრუნდნენ 19 აპრილის შეთანხმებას.
მსგავსი სტატიები:
რომან გოცირიძე: “რაც ბათუმში მოხდა სამარცხვინო და ბოლშევიზმია“
ინჯია ფიქრობს, რომ საბაზრო ეკონომიკამ საქართველოში “კორექცია უნდა განიცადოს”
“ქართული ოცნების” ოფისთან პოლიციამ 4 აქტივისტი დააკავა
“მიხეილ სააკაშვილი და “ნაციონალური მოძრაობა” არ იყიდება” – სააკაშვილი
შინაგან საქმეთა მინისტრის მოადგილე თანამდებობიდან გადადგა
“თუ იცით, აღმოსავლეთ ლუქსემბურგში “სპიჩკის” ფაბრიკასაც ააშენებს, ჩვენი მოჭიმული ტრი ტრი?”
“დიდი-დიდი რაც შეძლონ, განჯის კარის სანაცვლოდ “სოკარს” “ოცნების” მორიგი დეპუტატი დააფინანსებინონ მარნეულში”
ივანიშვილი კენიიდან ბაობაბის ხეებს ვეღარ წამოიღებს – სახელმწიფომ მათი ამოთხრა და ტრანსპორტირება აკრძალა