“დღევანდელი დღე იყო ქართული დემოკრატიის მორიგი მარცხი, როცა მორიგ ჯერზე ფეხქვეშ გაითელა კონსტიტუცია და ადამიანის საყოველთაოდ აღიარებული უფლებები”, – ასე ეხაურება თბილისში განვითარებულ მოვლენებს “მთავარი არხის” დამფუძნებელი ნიკა გვარამია.
“ცხადია, შავრაზმელების შიშით ლგბტ თემი ვერ გაქრება და არც უნდა გაქრეს, რადგან ეს სიბნელის გამარჯვება და მიზნის ასრულება იქნება.
დღევანდელი დარბევით მდგომარეობის გაუარესების სპირალის კიდევ ერთი ხვეული გავიარეთ: ავტორიტარულმა რეჟიმმა მოწყვლადი ჯგუფი კიდევ უფრო მოწყვლადი გახადა და თავისი პროპაგანდით მორიგ ჯერზე გააძლიერა ეცადა მისგან მტრის ხატი შეექმნა. უდავოა ისიც, რომ რეჟიმი ამას საკუთარ გამარჯვებად და პროპაგანდისტული ამოცანის შესრულებად მიიჩნევს და საერთოდ არ გრძნობს თავს დასუსტებულად ან, მით უფრო, დამარცხებულად.
ცხადია, როგორ უნდა მოიქცეს თემი, მხოლოდ თემის გადასაწყვეტია საკუთარი ინტერესების ურთიერთშეჯერებით და შესაძლო შედეგების ურთიერთშეწონვით, არსებული კონტექსტის გააზრებით და პროცესების სავარაუდო განვითარების რაციონალური პროგნოზირებით.
ჩემი აზრით კი, დღევანდელი დღე იყო ქართული დემოკრატიის მორიგი მარცხი, როცა მორიგ ჯერზე ფეხქვეშ გაითელა კონსტიტუცია და ადამიანის საყოველთაოდ აღიარებული უფლებები. და ამის თქმა ყველა პასუხიმგებლიანი მოქალაქის ვალია.
თუმცა, ვფიქრობ, ეს იყო მარცხი, რომელიც წინასწარ იყო ცნობილი, დამდგარი შედეგები კი საკმარისად გარჩევადი და მაღალი ალბათობით პროგნოზირებადი. და ამის თქმაც ყველა პასუხიმგებლიანი მოქალაქის ვალია, – წერს ნიკა გვარამია.
მსგავსი სტატიები:
ჩვენი პოზიციები ვერასდროს დაახლოვდება, ღმერთმა დამიფაროს- რარიბაშვილი ოპოზიციაზე
ივანიშვილის რეჟიმმა ფასი უნდა გადაიხადოს – პავილიონისი
სამადაშვილი: ქართული ოცნება და ენმ ძალიან სწრაფად კარგავენ მხარდამჭერებს
“შეხვედრა მქონდა ჩვენს პატრიარქთან. ვისაუბრეთ ბევრ მნიშვნელოვან საკითხზე”
“მოზარდების 43% აზარტულ თამაშებშია ჩართული…დაიცავით და ემსახურეთ მათ დასაქმებასა და განვითარებას”
“მოვითხოვ დაუყოვნებლივ სააკაშვილის განთავისუფლებას…დღეს კიდევ ერთხელ საქართველომ ძალიან არ მინდა რომ შეირცხვინოს თავი”-კოტე ყუბანეიშვილი
“დაჯექი, ორიანი” – კახა კალაძე ირაკლი ნადირაძეს
თამარ გაბუნია – „ომიკრონის“ ტალღამ დაიწყო დაღმასვლა – მომდევნო კვირიდან გვეცოდინება, რამდენად არის პიკი გადავლილი