დავით არახამია თუ ამაყობს ქართული ფესვებით, უნდა იცოდეს, რომ საქართველოსთან ბრძოლა არც ერთ ქართველს არ მოუგია – თალაკვაძე

საქართველოს პარლამენტის ვიცე-სპიკერმა, არჩილ თალაკვაძემ უკრაინის რადას ფრაქცია „ხალხის მსახურის” თავმჯდომარის, დავით არახამიას პოზიციაზე, საზოგადოებრივი მაუწყებლის ეთერში ისაუბრა, რომელიც პრეზიდენტ სალომე ზურაბიშვილს მიხეილ სააკაშვილის შეწყალებას, ხოლო ევროპის ქვეყნების პარლამენტარებს ყოფილი პრეზიდენტის ჯანმრთელობის საკითხზე დადგენილების მიღებისკენ მოუწოდებს.

თალაკვაძის განცხადებით, დავით არახამიას განცხადებები აცდენილია სიმართლეს და რეალობას. მისივე თქმით, არახამიაც იმ ხაზის ნაწილია, რომელიც საქართველოს წინააღმდეგ მთელ დაგეგმილ და დაფინანსებულ კამპანიას აწარმოებს.

„ბატონი არახამიას განცხადებები და რიტორიკა ყველაფერს არის აცილებული. არ ვფიქრობ, რომ ის ამ შემთხვევაში უკრაინასა და უკრაინელ ხალხს წარმოადგენს. ის აცილებულია ამ შემთხვევაში სიმართლეს და რეალობას. აქედან გამომდინარე, ცხადია, რომ არახამიაც არის იმ ხაზის ნაწილი, რომელიც საქართველოს წინააღმდეგ მთელ დაგეგმილ და დაფინანსებულ კამპანიას აწარმოებს. არ არის გამორიცხული, რომ მას აქვს გარკვეული პოლიტიკური ინტერესები საქართველოსთან მიმართებით. არ არის გამორიცხული, რომ ის არის აქაური დასუსტებული ოპოზიციის უფროსი კოორდინატორიც, არც ეს უნდა გამოვრიცხოთ. მაგრამ ჩვენ არ ვაპირებთ ამის გარჩევებს უკრაინის ხელისუფლებასთან, ვიდრე უკრაინა უმძიმეს ომშია და იცავს საკუთარ ტერიტორიებს და თავისუფლებას. პრაქტიკულად მთელი მსოფლიო ვდგავართ უკრაინის დასახმარებლად, თორემ, თუ ის ამაყობს ქართული წარმომავლობით და ქართული ფესვებით, სულ მცირე უნდა იცოდეს, რომ საქართველოსთან ბრძოლა და დაპირისპირება არც ერთ ქართველს მოუგია ისტორიაში და რა თქმა უნდა, ვერც არახამია მოიგებს. აქედან გამომდინარე, ვიდრე ომია, კიდევ ერთხელ გამოვუცხადოთ ჩვენი მხარდაჭერა უკრაინელ ხალხს, უკრაინას ვუსურვოთ, ტერიტორიული მთლიანობა აღადგინონ და დაბრუნდეს მშვიდობიანი დღეები უკრაინაში, დანარჩენს ყველაფერს ვნახავთ ძალიან მალე. ისტორია ამ წონასწორობას დაადგენს და ყველა ვინ, რას და როგორ აკეთებდა, ამასაც ისტორია შეაფასებს”, – განაცხადა არჩილ თალაკვაძემ.

გააზიარეთ და მოიწონეთ სტატია:

მსგავსი სტატიები:

გურიაში მედიკოსებმა აცრაზე უარი თქვეს “ნინოწმინდის პანსიონის ბავშვებთან მიმდინარეობს მუშაობა, რომ მათი საჭიროებები შეფასდეს და შესაბამისი გადაწყვეტილება იყოს მიღებული” ავღანეთში გამართულ საპროტესტო აქციაზე თალიბების მიერ გახსნილი ცეცხლისა და ჭყლეტის შედეგად რამდენიმე ადამიანი დაიღუპა ”ეს რუსეთ- საქართველოს ომია და ახლა რუსთავის ციხეში ,პუტინის პირადი პატიმარი ზის”-ჩარკვიანი “რაც მეტად გადაიხევთ თავზე კანონს, მით მეტად გაგაუთოვებენ, რომ იცით, იქ” -ნიკა გვარამია ბრეგაძის უწყებას ”თემთა პალატას არასოდეს მოუსმენია ისეთი მიმართვა, როგორიც ზელენსკის ჰქონდა” “ივანიშვილის მონა რუსი ხარ” – “იმედთან” მამუკა მდინარაძეს “ნაციონალური მოძრაობის” აქტივისტები დახვდნენ ზეთი, მაიონეზი, კეტჩუპი, “ანაკომის” სუპი – ხელისუფლება ქართულ ჯარს რუსული პროდუქტით კვებავს