ევროპული, ამერიკული უნივერსიტეტები დაარსებულა, არ მახსოვს კითხვა დაგესვათ – წილოსანი ქართულ-რუსულ უნივერსიტეტზე

“ქართული ოცნების” დეპუტატი, ნინო წილოსანი საქართველოში ქართულ-რუსული უნივერსიტეტის გახსნის შესახებ გავრცელებულ ინფორმაციასთან დაკავშირებით ამბობს, რომ რუსულ ექსპანსიას “არაფერი და ვერაფერი ვერ დაადასტურებს.” მან ჟურნალისტს უთხრა, რომ ამ თემაზე საუბრის მიზანი პანიკის დათესვაა.

წილოსანის მტკიცებით, მმართველ გუნდს დეკლარირებული აქვს ანტირუსული და პროდასავლური პოლიტიკა. წილოსანი ერთ-ერთია იმ დეპუტატებს შორის, რომელმაც მარტში “რუსულ კანონს” დაუჭირა მხარი.

“თუ საგანმანათლებლო, ასე ვთქვათ, ინსტიტუციების დაფუძნება გაინტერესებთ, არაერთი ევროპული, ამერიკული ინსტიტუტი და უნივერსიტეტი დაარსებულა და არ მახსოვს, რომ აღნიშნულ თემაზე რაიმე კითხვა გაგეკეთებინათ და დაგესვათ. არაფერი და ვერაფერი ვერ დაადასტურებს რუსულ ექსპანსიას საქართველოში, ყველას დეკლარირებული გვაქვს ანტირუსული და პროდასავლური პოლიტიკა. ამიტომ, ამ თემაზე საუბარი ერთადერთი ემსახურება იმას, რომ დათესოთ რაღაცა პანიკა და აჟიოტაჟი გამოიწვიოთ საზოგადოებაში,” – ამბობს წილოსანი.

ცნობისთვის, საქართველოში პრიმოკოვის ცენტრის ხელმძღვანელი, დიმიტრი ლორთქიფანიძე აცხადებს, რომ თბილისში ქართულ-რუსული უნივერსიტეტის დაარსება იგეგმება. მისი თქმით, უნივერსიტეტის მშენებლობისთვის შესაბამის ადგილს უკვე ეძებენ.

გააზიარეთ და მოიწონეთ სტატია:

მსგავსი სტატიები:

“სად ვბანაობთ, რომელი საუკუნეა…” 8 მარტის სუფრა შრომაში და “აჭარა ტექსტილი”- გურიაში ამ ეტაპზე, ორი კლასტერი არსებობს “მალე რუსეთთან სახმელეთო საზღვარიც გაიხსნება და ინდური შტამით დატვირთული ტურისტებიც შემოგვესევიან” როდის დათბება ქვეყანაში – მომდევნო დღეების ამინდის პროგნოზი ბათუმის საკრებულოს ენმ-ის დეპუტატი გარდაიცვალა პუტინმა, მოწამვლის შიშით, 1 000-მდე თანაშრომელი შეცვალა | მედია რა ამყარებს ეროვნულ ვალუტას? ”ბორიას მთელი გუნდის პოლიტიკის წყალობით, რუსეთი საცაა რუსთაველის პროსპექტზე გაავლებს სასაზღვრო მავთულებს”