გარდაიცვალა საქართველოს სახალხო მხატვარი თეიმურაზ გოცაძე

82 წლის ასაკში გარდაიცვალა ქართველი ფერმწერი, საქართველოს სახალხო მხატვარი თეიმურაზ გოცაძე.

ინფორმაციას თეიმურაზ გოცაძის ახლობლები ავრცელებენ.

თეიმურაზ გოცაძემ დაამთავრა თბილისის სამხატვრო აკადემია (1964, აპოლონ ქუთათელაძის კლასი). 1971-1983 წლებში მუშაობდა საქართველოს ტელევიზიისა და რადიომაუწყებლობის სახელმწიფო კომიტეტის მთავარ მხატვრად. 1983-1988 წლებში იყო თბილისის „მხატვრის სახლის“ დირექტორი, 1989-1995 წლებში – საქართველოს მხატვართა კავშირის მდივანი, 1988–2005 წლებში საქართველოს სამუზეუმო-საგამოფენო გაერთიანების „სურათების ეროვნული გალერეის“ გენერალური დირექტორი. 1994 წლიდან ასწავლიდა თბილისის კულტურის სახელმწიფო ინსტიტუტში (შემდეგ თბილისის ექვთიმე თაყაიშვილის სახელობის კულტურისა და ხელოვნების სახელმწიფო უნივერსიტეტი);

გოცაძის მთავარი ნამუშევრებია: „ლურჯა ცხენები“, „დაბადება“ (ორივე 1965), „ეფემერები“ (1966), „ჩემი საუკუნე“ (1980), „ჩემი თბილისი“ (1987), სერია „ქართლის ცხოვრება“ (11 სურათი, 1983), „მეტამორფოზა“ (1989), „სულიერი საქართველო“ (1991), „მოტაცებული მშვენიერება“ (1999), „საქართველო – XX საუკუნე“ (2002).

შექმნა თანამედროვეთა (ო. ჭილაძე, 1973; მ. ჯანაშია, 1975; თ. ჩხეიძე, 1985) პორტრეტები, მონუმენტური მხატვრობის ნიმუშები: კულტურის სახელმწიფო ინსტიტუტის საკონფერენციო დარბაზის მოხატულობა (1998), „ფიროსმანი“ (ახალგაზრდული ქალაქი, შავნაბადა, 1979), მართვის სისტემების ინსტიტუტის საკონფერენციო დარბაზი (თბილისი, 1980) და სხვ. პერსონალური გამოფენები: თბილისი (1976), მოსკოვი, ნიუიორკი, სან-დიეგო (1989), თბილისი (2003). დაჯილდოებულია ღირსების ორდენით (1998).

გააზიარეთ და მოიწონეთ სტატია:

მსგავსი სტატიები:

“მაკვირვებს “პრადვინუტი” ოპოზიციონერი პოლიტიკოსების შეშფოთება” “კაცი არსაიდან” _ ვინ არის გურიის გუბერნატორი, რომელმაც უკვე მოადგილეც შეარჩია სად რამდენი აცრა ჩატარდა – ვაქცინაციის სტატისტიკა რეგიონების მიხედვით “ხელისუფლებაში რუსი ოლიგარქის მიერ დანიშნული იმბეცილები გვყავს” – დავით მიროტაძე “რას გავაკეთებდი უკრაინაში ამ უსახურების ნაცვლად”- მიხეილ სააკაშვილი სამოქმედო გეგმას აქვეყნებს რატომ არ გამოუყვეს ქართველ სამხედროებს ადგილი მუხათგვერდის სასაფლაოზე – ხელისუფლება დუმს „ისეთი ლიდერი აირჩიეთ, რომ მიშას დაფუძნებულ პარტიაში მიშას ხსენების არ შეეშინდეს!“ – თაკო ჩარკვიანი „სახედარიც კი ორჯერ არ შედის ტალახში და ჩვენ რა ღვთის რისხვა გვჭირს?!“ – თაკო ჩარკვიანი