გიორგი კალანდია Mona.ge-ს სასამართლოში უჩივის

ხელოვნების სასახლის გენერალური დირექტორი გიორგი კალანდია Mona.ge-ს სასამართლოში უჩივის.

კალანდია ინფორმაციის უარყოფას, მის შესახებ მასალის საიტიდან აღებასა და ბოდიშის მოხდას ითხოვს.

“ეს არის ცილისწამება, ეს არის ღირსებისა და საქმიანი რეპუტაციის შელახვა თანამედროვე მსოფლიოში და მათ შორის, საქართველოში. ყველაფერი ამის აღსადგენად და დასაცავად არსებობს სასამართლო. ამიტომ, მე სასამართლოს აუცილებლად მივმართავ. ყველაფერ ამას წარვადგენ. მე დარწმუნებული ვარ, რომ ამ საქმეში გავიმარჯვებ”, – თქვა კალანდიამ იმედთან.

კალანდია Mona.ge-ს მე-8 სიაში მოხვდა. საიტზე კალანდიას შესახებ წერია:

“გიორგი კალანდია მუზეუმებში თეა წულუკიანის რეპრესიული პოლიტიკას ნერგავს. კერძოდ, ჩვენს ხელთ არსებული და გადამოწმებული ინფორმაციით, კალანდია პირადად იბარებს მუზეუმების თანამშრომლებს, აფრთხილებს პოლიტიკურ აქტიურობასთან დაკავშირებით და მეტიც, საბჭოთა კავშირის საუკეთესო ტრადიციებით, ყველა თანამშრომელთან პირად საუბარს თუ თათბირს იწერს. მასთან დაპირისპირებას შეეწირა დადიანების მუზეუმის რამდენიმე თანამშრომელი. პრობლემა ახალი არ არის და ამაზე 2021 წლიდან საუბრობენ. კერძოდ, ზუგდიდის დადიანების ისტორიულ-არქიტექტურული მუზეუმის თანამშრომელი, ექსკურსიამძღოლი ელზა ზოდელავა ზეწოლასა და სიტყვის თავისუფლების შეზღუდვაში ადანაშაულებდა ხელოვნების სასახლის დირექტორ გიორგი კალანდიას”.

Mona.ge-ს ავტორები პარტიები გირჩი – მეტი თავისუფლება და დროა არიან. პარტიებში ამბობენ, რომ ვებ-გვერდზე განთავსდება იმ ადამიანთა პროფილები, რომლებიც ქვეყნის ევროინტეგრაციას ეწინააღმდეგებიან.

გარდა ამისა, პარტიებში აცხადებენ, რომ პლატფორმაზე განთავსდება იმ ადამიანთა პროფილები, რომლებიც თავად გასცემენ ან თავად ასრულებენ უკანონო ბრძანებებს და გარდა ამისა, იმართებიან რუსული მეთოდებით.

ლიდერები ამბობენ, რომ ამ ადამიანთა პროფილებს შეარჩევს სპეციალური საბჭო, რომელიც დაკომპლექტებული იქნება როგორც პოლიტიკური პარტიების წარმომადგენლებისგან, ასევე სამოქალაქო სექტორისა და მედია ორგანიზაციების წარმომადგენლებისგან, ეს სიები კი დიპლომატიურ მისიებს თუ საემიგრაციო სამსახურებს გადაეცემა.

გააზიარეთ და მოიწონეთ სტატია:

მსგავსი სტატიები:

ევროპარლამენტი-საქართველომ ევროპის გაწვდენილი ხელი არ მიიღო “Жизнь ворам” – ამ წარწერით დახვდნენ 51-ე საჯარო სკოლაში მოსწავლეები მანდატურის სამსახურის ხელმძღვანელს სააკაშვილის ძმა: პირველი ღამე იქნება, როდესაც დავიძინებ – მიშა შიმშილობას წყვეტს ღია წერილი: სამხატვრო ხელმძღვანელების შესარჩევი პროცესი სფეროსთვის მავნებლურ შედეგს იწვევს დაღუპული გმირების ოჯახებს თავდაცვამ არ უპასუხა – დავით რატიანსა და გია ბერიაშვილს კერძო სასაფლაოზე დაკრძალავენ ეს არის გაუმართლებელი კონფლიქტი, რომლის შეჩერებაც მხოლოდ თქვენ შეგიძლიათ – პელე პუტინს სამი ყველაზე წარუმატებელი ბრძოლა საქართველოს ისტორიაში „მახინჯარა“ – გურულების “ორთაბრძოლა ღირსებისათვის”