დღეს საქართველოში კორონავირუსისგან კიდევ 11 ადამიანი გარდაიცვალა

დღეს, 16 ოქტომბერს, საქართველოში კორონავირუსისგან კიდევ 11 ადამიანი გარდაიცვალა, ეს ქვეყნისთვის რეკორდულად მაღალი მაჩვენებელია. გარდაცვლილთა საერთო რაოდენობა 124-მდე გაიზარდა.

შეგახსენებთ, რომ გასულ 24 საათში საქართველოში კორონავირუსის 887 ახალი შემთხვევა დადასტურდა, გამოჯანმრთელა 246 ადამიანი.

ბოლო მონაცემებით საქართველოში:

  • კორონავირუსით ინფიცირებულია -15 327
  • გამოჯანმრთელებულია – 7 613
  • მათ შორის გარდაცვლილია – 124
  • კარანტინის რეჟიმში რჩება – 5 721
  • კოვიდ სასტუმროში მყოფი პირები – 1 042
  • სტაციონარში მეთვალყურეობის ქვეშ – 836, მათ შორის საქართველოში სამკურნალოდ გადმოყვანილია – 41 პაციენტი.

შეგახსენებთ, რომ კორონავირუსის პირველი დადასტურებული შემთხვევა საქართველოში 26 თებერვალს გამოვლინდა.

ბოლო მონაცემებით, მსოფლიოში ინფიცირებულთა საერთო რაოდენობამ 38 მილიონს გადააჭარბა, მათგან გამოჯანმრთელდა, თითქმის, 29 მილიონი ადამიანი და გარდაიცვალა 1 მილიონზე მეტი.

გააზიარეთ და მოიწონეთ სტატია: