სახალხო დამცველის განცხადებით, მიხეილ სააკაშვილთან დაკავშირებით ზედმეტი აჟიოტაჟის ატეხა, თუ რას იტყვის კონსილიუმი, მართებული არ არის.
როგორც მან „პალიტრანიუსის“ეთერში განაცხადა, კონსილიუმი, თავის მხრივ მოკლებულია შესაძლებლობას, რომ სრულფასოვნად შეაფასოს მიხეილ სააკაშვილის ჯანმრთელობის მდგომარეობა.
„არცერთ დასკვნაში არ დაუწერია კონსილიუმს, რომ მიხეილ სააკაშვილი მძიმე მეტალებით იყო მოწამლული. მე ასეთი ჩანაწერი არ მინახავს დასკვნებში. მე კონსილიუმის დასკვნებს ვეყრდნობი, არც ექიმი ვარ და არც არავინ არის აპარატში ამ სპეციალური ცოდნით აღჭურვილი, რომ თქვას მოწამლულია, თუ – არა. კონსილიუმი ეყრდნობა იმ დოკუმენტაციას, რომელსაც ნახულობს, როდესაც დაწესებულებაში შედის.
ამიტომ, რაღაცნაირად ზედმეტი აჟიოტაჟის ატეხა, თუ რას იტყვის კონსილიუმი, არ მიმაჩნია მართებულად. კონსილიუმი, თავის მხრივ მოკლებულია შესაძლებლობას, რომ სრულფასოვნად შეაფასოს მისი ჯანმრთელობის მდგომარეობა. კონსილიუმი იმისთვის არსებობს, რომ კითხულობენ, რა პრეპარატებს იღებს, როგორი პროტოკოლია, როგორ ხდება მის ჯანმრთელობაზე ზრუნვა. არ მინდა საზოგადოებას ეგონოს, რომ ეს ადამიანები სპეციალური საშუალებებით აღჭურვილები შედიან, ან სამედიცინო ინვენტარით და ხდება ყველაფრის შესწავლა. ასეთ რაიმეს ადგილი არ აქვს. დოკუმენტების საფუძველზე იწერება დასკვნა, ადამიანის ვიზუალური დათვალიერებით და გამოკითხვით“, – აღნიშნა იოსელიანმა.
შეგახსენებთ, სახალხო დამცველმა გუშინ, 27 დეკემბერს ინტერპრესნიუსთან ინტერვიუში განაცხადა, რომ მიხეილ სააკაშვილის მდგომარეობა გაუმჯობესებულია. სამედიცინო კონსილიუმის წევრი ექიმები ვივა მედში იანვარში აპირებენ შესვლას.
მსგავსი სტატიები:
“ფაიზერით” აცრის მსურველთა რაოდენობამ ერთ დღეში 6000-ს გადააჭარბა
“ის წერილი არ იყო გიორგი გახარიას მიერ დაწერილი და შეიძლება შეწუხებულიც კი იყო, რადგან ეს როლი მოირგო”
გეგეჭკორი: სიკვდილის მრუდი ჯიუტად აღმავალია – ეს ყოველწუთიერად გახდება უფრო შემზარავი
“რახან ამერიკის ელჩია…ეს იმას ხომ არ ნიშნავს, რომ მართალია აპრიორი?!”– დავითულიანი
37 წლის ასაკში, ფრანგი მსახიობი გასპარ ულიელი გარდაიცვალა
“პუტინი ჭკუიდან შეიშალა” – მიხეილ სააკაშვილის ანალიზი ბრიტანულ გამოცემა Express-სთან
CEPS: საქართველოსთვის EU-ში გაწევრიანების პროცესის დაწყება ნაადრევია
ამ დილით ოზურგეთში კიდევ ერთი მიწისძვრა მოხდა