საავტომობილო გზების დეპარტამენტი აცხადებს, რომ აღმოსავლეთ-დასავლეთის საერთაშორისო მაგისტრალური გზის სამტრედია-გრიგოლეთის მონაკვეთზე მშენებარე ხიდის ბურჯისა და მალების ჩავარდნის მიზეზების დასადგენად მიმდინარე ექსპერტიზა დასრულდა.
უწყების თქმით, ჩატარებული ექსპერტიზით დადგინდა, რომ ხიდის მე-8 ბურჯის ჩავარდნის მიზეზი იყო პროექტთან შეუსაბამოდ და უხარისხოდ მოწყობილი როსტვერკი (ხიმინჯოვანი საძირკვლის ზედა ნაწილის კონსტრუქცია) – წყალდიდობამ წარეცხა როსტვერკის ქვეშ გრუნტი, რომლის ფილამ ვეღარ გაუძლო დგარების დაწოლას, დგარებმა ჩახვრიტა როსტვერკი, რის გამოც ბურჯის ორი მალი ჩაიშალა მდინარის კალაპოტში.
ექსპერტიზა ჩაუტარდა ხიდის სხვა კონსტრუქციულ ელემენტებსაც და დასკვნის მიხედვით, პროექტთან შეუსაბამოდ, ხარვეზებით და უხარისხოდ შესრულებული სამუშაოები აღმოაჩინეს.
“ექსპერტიზის დასკვნის საფუძველზე, საავტომობილო გზების დეპარტამენტი უმოკლეს ვადაში გამოაცხადებს პროექტირება-მშენებლობის ტენდერს, რომლის ფარგლებშიც ჩატარდება დამატებითი საპროექტო კვლევები, მომზადდება ხიდის შესაბამისი საინჟინრო პროექტი და ჩატარდება საჭირო სამუშაოები.
იმის გათვალისწინებით, რომ ხიდის ბურჯისა და მალის ჩავარდნის ფაქტზე მიმდინარეობს გამოძიება, ექსპერტიზის დასკვნა გადაეგზავნა საგამოძიებო ორგანოს. გამოძიების პარალელურად, ზიანის ანაზღაურების მიზნით, საავტომობილო გზების დეპარტამენტი იწყებს შესაბამის სამართლებრივ ღონისძიებებს ყველა აუცილებელი მექანიზმის გამოყენებით.
სამტრედია-გრიგოლეთის 51 კილომეტრიანი მაგისტრალური გზის მშენებლობა 4 მონაკვეთად მიმდინარეობდა. ორ მონაკვეთზე ავტოტრანსპორტის მოძრაობა გახსნილია, მესამე 12 კმ-იან მონაკვეთზე გრძელდება სამშენებლო სამუშაოები. 11 კმ-იანი მონაკვეთიდან კი, რომლის შემადგენელ ნაწილსაც წარმოადგენს მშენებარე ხიდი, დასრულებულია 10 კმ გზის მშენებლობა,” – ნათქვამია გზების დეპარტამენტის განცხადებაში.
ცნობისთვის, ხიდის კონსტრუქციული ნაწილის კომპლექსური საექსპორტო კვლევა, საავტომობილო გზების დეპარტამენტის დაკვეთით, ლევან სამხარაულის სახელობის სასამართლო ექსპერტიზის ეროვნულმა ბიურომ ჩაატარა.
მსგავსი სტატიები:
“სააკაშვილი გესიზმროს-შემოდგომისთვის მორიგი უშედეგო პაეზდკა დაგეგმო” – სიზმრის ახსნა პოლიტიკურად
კახი კავსაძეს დღეს დაკრძალავენ
“ქართულმა ოცნებამ” ამ საღამოს დიდი სარკე დაამონტაჟა რუსთავის ციხის წინ და შიგ ჩაიხედა”
“საცხა დამასაფლავეს, არ მომეწონა აი ადგილი და სხვაგან გადავდივარო”
პატიმარი თუ ხარ, სულ საავადმყოფოში უნდა იწვე? – ვოლსკი სააკაშვილზე
“ასეთ მდგომარეობაში მისი გორის ჰოსპიტალში დატოვება არ შეიძლება”-გიული ალასანია მიხეილ სააკაშვილზე
“კომპანიას ან სახელმწიფოს, რომელიც რუსეთს ნავთობით ვაჭრობაში დაეხმარება, სანქციები უნდა დაუწესდეს”
“ჩვენ, მოკვდავნი, ერთმანეთს ვენაცვლებით და ვქმნით საქართველოს უკვდავებას” – გია მურღულია